Home Infrastructura Candela na Dump a hera bira un tragedia

Candela na Dump a hera bira un tragedia

263
0
SHARE
- Advertisement -

ORANJESTAD(AAN):Diabierna despues di merdia a cuminsa un candela grandi riba Dump. Yamadanan di tur parti tabata drenta relaciona cu e huma preto cu tabata wordo mira kilometernan leu for di Dump. A resulta cu tirenan tabata na candela. E custumber ta cu no ta worry masha pasobra bomberonan no ta perde tempo pa paga e candela. Esey ta un malgastamento di awa. E biaha aki si nan mester a bay den accion mirando e situacion cu a presenta na dado momento. E personal di Serlimar y ekiponan pisa a bay den accion pa cobra santo etc riba Dump mes pa purba tapa e candela y calma esaki. Na dado momento un di e ekiponan pisa cu tabata coba a kentel. Esey a causa cu e candela a bira un menaza pa e ekipo. Ta ekipo cu ta costa hopi placa sumanan di algun ton. Bomberonan a wordo yama cu urgencia pa presenta pa asina cuminsa wanta e candela pa evita cu e ekipo ta pega candela. Esey a logra y mientras cu bomberonan tabata bezig a cuminsa manda mas ekipo pa purba pusha e tirenan. E tabata un peliger total riba Dump mirando e trabounan cu tabata wordo haci. Serlimar, Johnsons Enterprices y tambe AIS tabata presente riba Dump. Asina cu hopi esfuerzo a keda lucha cu cadena etc pa ranca e ekipo cu a kentel pa asina evita cu e ta kima. Ora a pone bek riba di pia, e no a start mas. Ta ranca mester a ranca e ekipo cu dos chubato grandi. Bomberonan su awa a caba y treciendo mas tension riba Dump. A core manda un truck di awa cu tabata tin y asina a logra wanta e candela mientras cu e truck di bomber a bay tank. Asina a keda cu e situacion te ora cu finalmente a hala e ekipo for di e peliger. E mandatario di medio ambiente tambe a bin te na Dump pa asina mira cu su mesun wowonan kiko tabata pasando y atende cu e personal cu tabata bezig. E minister a duna ordo pa sera Dump e atardi ey mes y hopi hende cu tabata yegando pa tira sushi a keda poco rabia. Nan tabata yega cu truck of pickup carga y no por a subi tereno di Dump. Mientrastanto pa calma e situacion di candela a busca algun truck cu santo di Sero Teishi pa basha riba e candela cu e tirenan. Esey tabata pa calma e candela. Asina mes e tabata algo dificil. Bomberonan a mas bien keda vigila e situacion pasobra nan lo no bay paga e candela. E candela no ta un peliger directo y pesey ta laga esaki keda kima te ora e mes paga. E ta si algo cu hopi ta condena pasobra e ta un daño na medio ambiente. Ken a cende no ta conoci pero e ta un custumber cu ora tin algo di protesta, diripente ta mira cu tin candela riba Dump. E candela ta intencional. Mientrastanto e minister a bisa cu den 100 dia lo soluciona tur problema na Dump cu candela etc. Nos ta 200 dia leu y atrobe tabata tin un candela cu a hera bira un tragedia e biaha aki.

- Advertisement -

DUNA COMENTARIO

Please enter your comment!
Please enter your name here