Home Enseñanza Colegio Frére Bonifacius lo wordo reconstrui den su tereno anterior

Colegio Frére Bonifacius lo wordo reconstrui den su tereno anterior

10
0
SHARE
- Advertisement -

E lo bira e prome “Smart Scol” di Aruba:

ORANJESTAD (AAN)—Den conferencia di prensa di gobierno, Dialuna, Minister di Enseñanza sr. Rudy Lampe, a expresa cu ta un berguenza nacional cu e gobierno anterior a laga Colegio Frére Bonifacius, mas cu seis aña na un lugar cu no ta apto pa un scol.

E mandatario a indica cu como consecuencia, e cantidad di studiantenan a baha drasticamente di 300 te cu 130 alumno aworaki.

Si sigui asina aki, e dignatario a subraya, e scol aki lo baha di 100 studiante anto lo mester cera su porta, locual lo ta hopi lamentable pasobra e ta un bon scol y e ta un proyecto piloto pa loke ta digitalizacion di enseñanza.

Minister Lampe a expresa cu pesey, asina cu el a asumi di e cartera di enseñanza a cuminza cu preparacion pa esey no sosode pero mas bien duna bida bek na scol Frére Bonifacius.

E mandatario a señala cu esun cu finalmente ta responsable ta Obispo di Willemstad, y el a indica cu e kier pa e scol catolico aki keda na Playa. E tereno unda e scol tabata prome ta pertenece na e Diocesis di Willemstad, pues mas cu logico cu e reconstruccion lo tuma lugar den e mesun tereno aki.

Minister Lampe a duna di conoce cu su persona y e Obispo ta den contacto continuo, y el a papia un par di dia pasa, via skype, cu Monsignor Luis Secco, y tambe a reuni cu e Raad van Toezicht di SKOA, cu ta bay continua cu e proyecto.

E dignatario a informa cu nan kier pa e prome “Smart Scol” di Aruba bin eynan. Ya tin Smart Community na Kibaima, y awor e kier pa tur e conocemento riba iniciativa di inteligencia wordo aplica eynan y bira e scol di futuro.

E mandatario a subraya cu e ta spera cu pronto esaki keda cla, pero door cu ta trata di algo nobo e ta bay exigi di un tiki mas tempo no obstante e ta spera cu pa e aña escolar nobo aki, e ta proyecto ta cla y esaki lo ta e ultimo aña escolar cu Colegio Frére Bonifacius ta ubica unda e ta aworaki.

- Advertisement -

DUNA COMENTARIO

Please enter your comment!
Please enter your name here