Home Comercio Comerciantenan local ta birando victima di algun stranhero cu ta mata mercado...

Comerciantenan local ta birando victima di algun stranhero cu ta mata mercado cu prijs

167
0
SHARE
- Advertisement -

ORANJESTAD (AAN):  Pa algun tempo caba e mundo di internet a bira e forma pa promove un negoshi pero na Aruba awor aki tin un tendencia cu ora un comerciante cu si ta cumpli cu tur ley no ta ser protehi pa gremionan comercial manera ATIA y Camara di Comercio, pero ora un local ofrece un prijs un stranhero cu no ta registra ta duna otro prijs. Riba esaki no tin control.

Alexander Lambrinos, director di Lambrinos Tree Service, ta splica tocante e problematica cu tin actualmente di negoshinan cu ta haciendo trabaonan sin ta legalmente registra na Camara di Comercio.

Sr. Lambrinos ta cuminsa na splica cu pa ley Camara di Comercio ta exigi pa un negoshi ta registra cerca nan. Nan ta cobra pa aña, pero tambe nan ta duna curso y nan ta mustra kico tur ta e reglanan cu e negoshi mester tene su mes na dj’e. Actualmente tin varios negoshi cu ta ofrece diferente servicio y nan no ta registra na Camara di Comercio. E situacion aki sr. Lambrinos ta haya inaceptabel, pues Camara di Comercio ta permitiendo pa e negoshinan stranhero aki haci locual nan kier sin ta legalmente registra y sin cu nan ta pagando. Sr. Lambrinos ta puntra con por ehempel su propio negoshi tin cu cumpli cu tur e obligacionnan di Camara di Comercio y Belastingdienst, mientras niun di nan ta exigiendo e negoshinan cu no ta registra pa cumpli cu esakinan.

Por ultimo, Sr. Lambrinos a bisa cu hefe di Belastingsdienst a duna di conoce cu nan tin un departamento special cu ta vigila Facebook y detecta ken ta registra y ken no, pero e mesun negoshinan cu tabata activo algun luna pasa ta mesun activo awe.

 

- Advertisement -

DUNA COMENTARIO

Please enter your comment!
Please enter your name here