Home Comercio Comercio mester tin bon cla cu BBO ta un impuesto riba benta

Comercio mester tin bon cla cu BBO ta un impuesto riba benta

21
0
SHARE
- Advertisement -

ORANJESTAD (AAN) — E Economista di Camara di Comercio y Industria, drs. Randall Croes, a hiba palabra den e conferencia di prensa yama pa KvK den cual a referi na diferente tema di dominio publico, na e momentonan aki.

El a cuminza pa elabora tocante e “Crisis Heffing” cu Gobierno a introduci, y segun sr. Croes Camara di Comercio tin comprension pa e actitud cu gobierno mester a tuma pa hisa su entrada substancialmente.

Esaki debi cu e poblacion di Aruba, su trahadornan, comerciante, pensionadonan, studiantenan, tur mester yena e bashi di un refineria cu no a habri y e compromisonan financiero cu a realiza suponiendo cu e refineria lo a habri.

Mas cu cien miyon florin di compromiso cu awor mester mira con nos pueblo ta bay pague.

Un di e pasonan cu a tuma lugar ta e cambionan di BBO. Sr. Randall Croes a expresa cu mester pone bin cla cu BBO ta un impuesto riba benta. Kiermen cu e comerciante ta debe placa di loke e ta cobra!

Pa e empresario e aumento di BBO y e aumento di gasto den coriente, invoerrechten y gasolin ta cosnan cu si nan kier pa nan negoshi sobrebibi, y pa nan paga nan trahadornan y esaki paga nan hipoteca, nan mester recupera e costonan aki pa nan empresa no bay atras y cu despues nan no por paga banco y como consecuencia tur hende perde trabao.

Of kico nos kier: -cu e negoshi conserva su mes, recupera su gastonan y garantiza su existencia, si of no?-

Esey kiermen cu BBO ta un gasto cu e comerciante mester hinca den prijs pa por cumpra stock nobo.

Randall Croes a expresa cu ora un gobierno ta bin cu medida y bisa bo “awor bo tin mas gasto” bo tin dos cos pa haci: un supermercado ta cambia prijs di diez mil producto y pa varios dia nan ta cambia ticket y ta cambia prijs, of hacie mas facil y mas barata, menos costoso: hinke den computer y pone e costo pa calculacion. Esey ta tur!

“Ora cu un comerciante ta calcula su entrada na 100.000, e tin cu paga 6% e ta pone 6% riba e suma aki di 100 mil florin. Pero ora e pone 6% el a cobra 106.000, y e tarifa ta bira 6% di 106.000. Pues, pa e comerciante recupera e gasto, mescos cu esun di coriente, gasoline, huur di edificio pa su negoshi, e ta djis pone 6.36 pa placa drenta den su caha, y ora ey gobierno ta bise cu e no ta debe 6.000 riba 100.000 sino riba 106.000 cu el a bende pasobra e 6 mil extra cu e ta pone riba e factura, gobierno no ta considere belasting, sino e ta mire como entrada bruto cu el a deposita na banco, anto e ta considera cu e comerciante ta debe placa”, e Economista a splica.

Sr. Randall Croes a sigui splica cu e .36 cu ta riba e 6, ta pa net e comerciante recupera casi 100% di e aumento di su gasto di operacion di e negoshi cu e aumento di belasting a causa.

Cu esaki e economista a duna un splicacion tecnico tocante e manera di calcula di forma automatiza mas facil, pa gobierno  no interpreta e pago di impuesto como entrada. Esaki ta e motibo cu tin discrepancia pa e negoshi recupera 100% di e 6% cu tin riba e benta, cu gobierno ta interpreta corectamente manera cu e benta di negoshi a subi cu 6%.

El a agrega cu si prijs di carni a subi den e menu di un restaurant e prijs di carni mester subi. Gobierno ta laga e comerciante cobra e impuesto manera cu e kier, tur cos ta igual cu excepcion di e BAZV cu den e ley nan a obliga pa pone riba e factura, locual antes no tabata e caso. E economista a trece dilanti cu ora e BBO baha pa 5.75 Dios mediante, ta imposible pa bay cambia prijs di tur producto den supermercado. Pero si ta bay den computer cambia e 6% pa 5.75% e ta cla.

El a splica cu ley ta bisa e comerciante cu e mester saca e gasto di su benta, no di su ganashi.

El a agrega cu tur negoshi tin derecho di recupera e aumento di gasto di operacion, sea e yama BBO, prijs di gasoline of invoerrechten, e comerciante tin tur su derecho di recupera pa su negoshi no bay na peligro.  Pesey e ta indica cu si hinca e BBO den computer e calculacion ta wordo haci automaticamente.

 

 

 

- Advertisement -

DUNA COMENTARIO

Please enter your comment!
Please enter your name here