Home Remitido Comercio online matando negoshinan chikito

Comercio online matando negoshinan chikito

66
0
SHARE
- Advertisement -

Reaccion

ORANJESTAD   (AAN):  Hopi reaccion tin rond di e situacion di comercio den Caya Grandi. Y no solamente den Caya Grandi sino den becindario y na Aruba henter.

Tin indicadornan cu ta mustra cu e comercio online ta bayendo den crecimento pero e realidad ta cu e comercio ‘retail’ di tur size lo rekeri un esfuerzo adicional di esnan cu kier pa nan negoshi por keda subsisti.

Y esaki ta e caso di Aruba, un isla chikito unda hopi negoshi a lanta den seno di famia y asina a keda draai durante e añanan aki. Pero for di algun aña pasa por a mira con e negoshinan aki a cera of nan benta a baha drasticamente pa diferente motibo.

Ceramento di Caya Grandi, parkeermeters, y awor mas recien ta e aumento di e comercio online manera pa medio di Amazon y otro plataformanan online cu ta causa cu hopi hende no ta cumprando mas cerca nos comerciantenan local.

Segun reaccion, Gobierno mester interveni ya sea imponiendo cierto tipo di impuesto na e compranan online. Esaki cu e meta di proteha e comerciante local.

No ta nada facil draai un negoshi unda por a mira cu poco poco e clientenan a disparce pa motibo cu nan ta prefera cumpra online.  Incentiva e comerciantenan, duna nan beneficionan pa nan por sigui sostene e economia local.

- Advertisement -

DUNA COMENTARIO

Please enter your comment!
Please enter your name here