Home Gobierno Comunidad tin di ta mas critico ora di cumpra cierto producto

Comunidad tin di ta mas critico ora di cumpra cierto producto

217
0
SHARE
- Advertisement -

Oficial local ta bisa

ORANJESTAD (AAN): E potret aki a wordo suministra den fin di siman door di un lector, kende a bin descubri un Minimarket local cu tin un juice na benta y cu a caduca na Juli 2016.
E lector a splica cu mesora el a bay avisa e doño, y e mes a mira con e doño a bay y benta tur e 5 botternan afo.  Por lo demas, tabatin nada mas caduca den shelf.

Claramente por a mira un bon ehemplo di un ciudadano cu a mira algo, y ta actua mesora.

Esey ta loke Yvette Geerman di Departamento di Higiena ta pidi pa comunidad ta mas critico na momento di cumpra cierto producto.

Señora Geerman ta splica cu Salubridad Publico t’ey pa supervisa y keda controla e tipo di situacionnan aki, pero ta keda na pueblo pa ta mas consciente ora di cumpra productonan y cu nan ta pagando pa e calidad di e producto ey.

No simplemente critica por medio di Facebook, sino notifica tambe na Departamento di Salud Publico.

Pues e suplica ta keda cu si tin cualkier iregularidad den productonan cu pueblo ta cumpra, sea bon di acerca e departamento cu e informacionnan aki. Na final e unico forma pa proteha pueblo di situacionnan asina ta pa departamento traha conhuntamente cu pueblo pa combati e benta di productonan venci y di mal calidad.

Tambe e negoshinan cu ta bende nan productonan tin e responsabilidad di bende cosnan drechi, cual den hopi ocasion nan no a cumpli. Aunke den hopi ocasion sa sosode cu e negoshi ta purba huy di su responsabilidadnan, pasobra no tin suficiente prueba cu e producto a bin di e negoshi ey.

Eynan ta ora consumidornan mester tin nan recibo semper cu ta comproba cu tal producto a worde cumpra na tal negoshi y trece pruebanan asina na Salubridad Publico p’asina nan por ehecuta nan trabao cu mas eficiencia.

Señora Geerman ta haci un apelacion na comunidad pa semper keda a atento y critico na tur momento cu nan ta bay cumpra un producto y na cua negoshi nan ta cumpr’el e.

- Advertisement -

DUNA COMENTARIO

Please enter your comment!
Please enter your name here