Home General Con e cerebro ta traha ora cu ta un mucha ADHD?

Con e cerebro ta traha ora cu ta un mucha ADHD?

53
0
SHARE
- Advertisement -

Den e cerebro di e mucha cu ADHD tin un deficit  di atencion regulardor di algun neurotrasmisor manera serotonina, dopamina y noradrenalina.

Ta existi un funcionamento cu no ta normal di e dopamina y noradrenalina di e nivel di e corteza frontal, y structura inferior.

Pa e mesun motivo aki ta produci e falta di atencion y intranquilidad, si bo ta compara e mucha aki cu un cu no tin e condicion aki, por ripara cu e dopamina y noradrenalina  ta hopi importante den e funcionamento di un persona, y pa e transmision corecto di impulso electrico di e cerebro.

Na nivel fisiologico di e cerebro, e muchanan cu ADHD tin un disminucion di e tamaño di e cerebro, principalmente den su zona pre-frontral y den e ganglio basal, sin ningun mal formacion.

E tratamento di ADHD  of trastorno di deficit di atencion ta hopi importante: e mester wordo evalua, pa evita cualkier tipo di problema den estudio, terapia den e desaroyo positivo, manera deporte y den grupo. Muchanan cu ADHD por mehora pero no tin cura, e objetivo ta trata di disparce e sintomanan pa yuda na e desaroyo social, intelectual y afectivo di e mucha. Yuda e mucha cu tecnicanan pa maneha su sintomanan y orienta na trabaonan constructivo y educativo cu por yuda.

Actualmente tin varios medicamento cu alavez  despues por trece consecuencia; tambe tin medicamentonan natural, un di nan ta omega 3 pero ta depende di cada caso.

Nos mester sa cu hopi hende importante awe, tambe a sufri di ADHD, manera:

Steve Jobs – Cofundador y presidente ehecutivo di Apple

Bruce Jenner – Atleta Olímpico

Danny Glover – Actor

David Neeleman – Fundador di e compania aereo JetBlue

Adam Levine – Vocalista de Maroon 5

Howie Mandel – Humorista y presentador

Jennifer Lawrence – Actriz

Jim Carrey – Actor

Justin Timberlake – Cantante

Michael Jordan – Jugador di NBA

Michael Phelps – landador medayista olimpico

Will Smith – Actor

Bill Gates – Cofundador di Microsoft.

Y asina hopi mas. Abo cu ta lesando, no permiti cu e muchanan aki bira un fracaso den bida duna nan oportunidad, no yama nan “mala mucha”,  compronde nan y yuda nan na bira  hende importante den e mundo aki.

Colaboracion boluntario

Drs. Mitsy McCollum-Willems

Psicologo Clinico

- Advertisement -

DUNA COMENTARIO

Please enter your comment!
Please enter your name here