Home Gobierno Consul di Venezuela tin su opinion pero e hobencita a wordo deporta...

Consul di Venezuela tin su opinion pero e hobencita a wordo deporta sin su autorizacion

581
0
SHARE
- Advertisement -

Minister di Husticia ta insisti:

ORANJESTAD (AAN) – Minister di Husticia mr. Andin Bikker a wordo puntra tocante e caso di e hobencita di 15 aña cu tabata ilegal na Aruba, y cu segun informacion di e dignatario un par di siman pasa, a wordo deporta sin su autorizacion, y pesey a suspende e hefe di WNC.

Dianan despues a surgi un contradiccion, na unda e Consulado di Venezuela mes a trece un aclaracion den un entrevista cu prensa, den cual el a aclarea cu e hoben a presenta cerca nan cu su ticket cumpra pa e mes, pa nan regla e tramitenan pa e bay su pais bek.

A puntra e mandatario kico a sosode despues di esaki, bao impresion cu el a bay tras di un carta di Cruz Cora cu, aparentemente, no tabata tin e version corecto.

E minister a indica cu cada siman ta tuma lugar sancionnan disciplinario contra un ke otro empleado di gobierno, pero e no ta haya na su lugar pa bin den prensa amplia riba esey.

No obstante e mandatario a declara cu e no a bay tras di un carta, pero el a topa personalmente cu representantenan di Cruz Cora y a tende nan version.

E dignatario a reitera locual el a declara den e conferencia di prensa den cual a duna anuncio cu el a suspende e hefe di WNC.

El a bisa cu un persona cu tin un poder di un minister ta bay sin consulta cune, na dicidi di reporta un criatura di 15 aña sin mas, no ta importa si el a wordo baha na WNC of no, no ta algo cu e no ta aprecia.

Fuera di otro motibonan cu tin cu tabata e drop cu a laga e hemchi bay over, segun e dignatario. El a bolbe acentua cu e hobencita a worde deporta den un ambiente unda tin un situacion tenso, riba Aruba y Curacao, encuanto nan manera di atende cu personanan cu ta drenta nos Isla y cu nan status no ta completamente na ordo.

El a duna un ehemplo bisando cu e ombudsman di Curacao, recientemente a expresa su preocupacion na su colega di Husticia di Curacao, tocante e forma con aya nan ta atendiendo e maneho cu personanan cu ta tey cu un status cu no ta bon regla.

Como minister encarga cu Husticia y cu e tematica di imigracion mester semper tene na cuenta cu e proceso y tambe kico ta pasando cu otro Islanan den Reino Hulandes riba e situacionnan aki, y mester ta hopi cauteloso.

Ora a puntra e minister kico ta robes den e caso aki, pasobra e hobencita a haya begeleiding na Aruba y na Venezuela, unda el a wordo entrega na su famia y cu ta e mucha muher mes a acerca e consul cu su pasashi pasobra e kier a bay cerca su famia bek.

E minister a bisa cu e Consul di Venezuela tin su opinion, pero el a atende un situacion unda un funcionario apodera pa su persona a actua sin consulta cune. Con e Consul di Venezuela wak e proceso esey ta su opinion, cual e como minister ta respeta, pero e motibo pa cual el a duna e funcionario sancion tin diferente otro motibo. El a reitera cu e no ta bay drenta den detaye pasobra no ta na su lugar papia di esakinan den conferencia di prensa.

- Advertisement -

DUNA COMENTARIO

Please enter your comment!
Please enter your name here