Home Economia Control di emergencia declara aplicabel riba ENNIA Corsow no ta aplicabel riba...

Control di emergencia declara aplicabel riba ENNIA Corsow no ta aplicabel riba ENNIA Aruba ni riba BdCA

43
0
SHARE
OLYMPUS DIGITAL CAMERA
- Advertisement -

Banco Central:

ORANJESTAD     (AAN):   Pa medio di un  comunicado di prensa, Banco Central di Aruba (BCA) a duna di conoce cu nan a tuma nota di e decision di dia 4 di juli 2018 tuma door di e Corte den Promer Instancia di Corsow, cual ta basa riba un peticion di Centrale Bank van Curaçao en Sint Maarten (CBCS).

Corte den Promer Instancia di Corsow a dicidi cu e control di emergencia (e asina yama “noodregeling”) ta aplicabel riba e companianan estableci na Corsow, esta, ENNIA Caribe Leven N.V., ENNIA Caribe Schade N.V., ENNIA Caribe Zorg N.V., EC Investments B.V., y ENNIA Caribe Holding N.V. (despues yama conhuntamente: ENNIA Corsow).

E companianan estableci na Aruba, esta ENNIA Caribe Leven (Aruba) N.V. y ENNIA Caribe Schade (Aruba) N.V. (despues yama conhuntamente: ENNIA Aruba), y Banco di Caribe (Aruba) N.V. (BdCA) ta forma parti di e grupo di ENNIA. Sin embargo, ENNIA Aruba y BdCA ta instancianan Arubano cu ta huridicamente independiente y cu tin nan mesun propiedadnan, inversionnan, y capital.

E control di emergencia cu por medio di e decision di Corte den Promer Instancia di Corsow a wordo declara aplicabel riba ENNIA Corsow no ta aplicabel ni riba ENNIA Aruba ni riba BdCA.

Aunke BCA no por duna informacion tocante ENNIA Aruba y BdCA, basa riba su deber di confidencialidad, BCA ta haya importante pa informa e publico cu BCA ta vigila den un forma estricto e cumplimento continuo di e ley- y regulacionnan vigente di e institucionnan bou di su supervision y ta sigui di cerca e desaroyonan encuanto ENNIA Corsow.

BCA tin diferente instrumento na su disposicion, basa riba e legislacion di supervision vigente, cu e por aplica na momento cu e ta constata cu un institucion bou di su supervision no ta cumpli cu e ley- y regulacionnan vigente.

BCA ta enfatisa cu e lo aplica e instrumentonan legal cu e tin na su disposicion si e situacion ta exigi esaki, cu e obhetivo pa sigui salvaguardia e interesnan di aseguradonan y depositornan.

- Advertisement -

DUNA COMENTARIO

Please enter your comment!
Please enter your name here