Home General Corda riba e tarea cu Aduana tin cu cumpli na aeropuerto

Corda riba e tarea cu Aduana tin cu cumpli na aeropuerto

94
0
SHARE
- Advertisement -

Cla pa bay cu vakantie?

ORANJESTAD  (AAN):  Temporada di vakantie grandi ta den porta y hopi di nos hendenan local ta preparando pa bay cu vakantie pronto of ta preparando pa ricibi famia y hendenan keri for di exterior.

En conexion cu e temporada di vakantie, Departamento di Aduana kier informa pueblo over di e tareanan fiscal y no fiscal cu e ta eherce y pakiko Aduana ta eherce e tarea aki.

E tarea primordial di Departamento di Aduana ta e tarea fiscal, di cual e ta encera controla e fluho di articulonan cu ta wordo importa, exporta y ta pasa Aruba di transito.

E control fiscal di e articulonan ta encera: controla, calcula y cobra impuesto di importacion y accijns riba articulonan cu ta wordo importa, exporta y ta pasa Aruba como transito.

Como Aduana ta na frontera tin tareanan cu ta wordo delega na nos door di otro departamentonan via di nos Bijzondere verordeningen, cual tin e meta pa salbaguardia interesnan di pais Aruba riba tereno di: salubridad y seguridad publico, economia, medio ambiente.

Un ehempel hopi comun ta ora un persona bai den exterior y cumpra pildonan pa baha peso of pa un tratamento medico. Nos ta aconseha e biahero pa buska e informacion y permiso necesario encuanto medicamentonan cu mag di wordo importa prome cu biaha na Inspectie Volksgezondheid Aruba.

Hopi biaha e ambtenaarnan di Aduana ta confisca pildonan of medicamentonan cu no mag di drenta Aruba of cu ta un peliger pa e salubridad publico. Pa es motibo aki nos ta aconseha e personanan cu tin pensa di cumpra medicamentonan de exterior pa nan informa nan mes bon prome pa evita cualkier inconveniencia na nan yegada na Aruba.

Pa mas informacion encuanto leynan di Aduana como tambe derechonan y debernan di biahero por wordo lesa riba e website www.douane.aw. Pa cualkier pregunta por tuma contacto libremente via di info@douane.aw.

- Advertisement -

DUNA COMENTARIO

Please enter your comment!
Please enter your name here