Home Gobierno DAS y Wit Gele Kruis tumando paso dentro di e Plan di...

DAS y Wit Gele Kruis tumando paso dentro di e Plan di Crisis Social

112
0
SHARE
- Advertisement -

Director di DAS ta splica:

ORANJESTAD (AAN) — Sra. Glenda Hernandez di Departamento di Asunto Social, den entrevista cu nos redaccion a elabora tocante e desaroyonan cu tin pa cu e Plan di Crisis Social.

Sra. Hernandez a mustra, pa medio di un rapport, e proposicionnan cu a bin dilanti encuanto e crisis social y e fondo cu ta rekeri pa realiza esaki.

E funcionario a comenta cu e meta principal di e Plan di Crisis Social ta pa lanta un sistema di proteccion di mucha, cual lo sirbi como medio pa proteha un mucha ora algo malo sosode. Tin un lista di muchanan cu tin dos aña wardando pa ricibi ayudo, lo cual ta inaceptable.

“Ora un mucha ta den un problema cual ta rekeri intervencion di Voogdijraad, mester wordo yuda al instante y no warda dos aña pa ricibi ayudo. E lista di muchanan den crisis na Departamento di Asuntonan Social a baha di seis pa dos luna, pero esnan di pareha a subi. Y si parehanan ta den crisis, e muchanan lo sigui subi” Director di DAS a menciona.

El a agrega cu pa abarca e asunto aki, DAS mester wordo fortifica cu mas personal y leynan drechi cu realmente lo beneficia e mucha. E lista di espera ta expande te na muchanan cu condicionnan fisico y mental cu tampoco ta wordo yuda debidamente.

“Mester bin cu centronan pa asisti e muchanan aki y p’esey e departamento ta negociando cu SHABA, caminda tin espacio pa cuida e muchanan aki. E problema ta cu no tabatin placa pa paga personal y el a keda diez aña bashi. Awor a traha duro pa haya e fondonan necesario pa por pone e muchanan den e luga”, sra. Hernandez a señala.

Actualmente na Departamento di Asuntonan Social tin dos tipo di crisis. Nan tin crisis cu nan mester interveni al instante y crisis cu mester purba preveni pa no sosode mes. Nan kier bin un centro di hoben y famia, pa preveni of actua na momento cu tin crisis, nan tin riesgonan na cada luga unda e mucha ta hinca. E prome añanan di un mucha su bida ta na su cas y eynan ta e prome luga cu nan ta wak e riesgonan. Wit Gele Kruis ta bishitando tur distrito pa papia cu e mayornan cu tin baby of muchanan chikito pa determina si nan ta biba den un ambiente di riesgo, sra. Glenda Hernandez a menciona.

- Advertisement -

DUNA COMENTARIO

Please enter your comment!
Please enter your name here