Home Comercio Den dos siman pueblo ya ta sinti efecto grandi pa su cartera

Den dos siman pueblo ya ta sinti efecto grandi pa su cartera

280
0
SHARE
- Advertisement -

Fraccion di AVP:

ORANJESTAD (AAN): Awe ta net dos siman cu gabinete Wever Croes a impone un pakete di medida devastado riba pueblo, den su intento pa haya 130 miyon di Florin pa cubri gastonan di maneho.

Segun e dianan ta pasando por nota cu mas y mas problema pueblo ta worde confronta cune, sorpresanan fiananciero y economico cu nan no a spera pa motibo di aumento di BBO y BAZV.

Fraccion di AVP ta mustra cu a kehonan cu por ser scucha den comunidad ta cu practicament riba tur articulo tin un aumento di prijs substancial y riba esaki ainda tin cu paga tanto BBP como BAZV sin lubida e cobransa di accijns riba gasolin.

Hopi keho tin di negoshinan cu ta conta tur cos hunto y na final ta impone sea 6% di impuesto adicional y den algun caso, hasta 9% riba e suma total cu e ciudadano tin cu paga.

Tur esaki ta posibel y hasta por bisa algo di spera, ora cu gabinet Wever Croes, den su ansha pa yega na placa, a formula un aumento di BBO y BAZV sin un dialogo, sin un estudio concreto di e impacto cu esaki lo bay tin riba comunidad y loke ta pio ainda, sin un bista fiho riba e efecto di e decision aki lo bay tin den comunidad.

No por tabata otro tampoco ya cu na momento c’un gobierno cu ainda no a presenta su programa di gobernacion, no a keda cla cu su documento financiero cu na prome instante a worde desaproba pa tanto CAFT como gobierno di Reino, ta mas cu claro cu e pakete di medida a trece caos cu tin na e momentonan aki, y cu lo bay bira mas grandi.

Ta algo serio y tristo ora cu ni e comerciante of cualkier otro negoshi, por splica un ciudadano con e cobransa extra aki ta hinca den otro ya cu gobierno no a suministra suficiente informacion pa aclaria tur esaki.

Fraccion di AVP ta mustra cu na momento c’un gobierno ta presenta un concepto di ley pa implemente e pakete di medida aki riba pueblo, sin dialogo, sin discusion habri y a duna parlamento dos dia pa studia esaki y aprobando e ley aki den un solo dia, ta mas cu claro cu tur e cosnan aki lo ta bruha y complica.

Sinembargo ya caba pueblo ta sinti e efecto desproporcional cu e medidanan aki tin riba su cartera  y ta experenciando cu e lo tin menos placa pa gasta, manos placa pa spaar y lo bay confronta un situacion financiero cu a cambia den apenas algun luna di tempo.

Ta tristo na mes momento pa un minister tin e tribilidad di bisa pueblo cu e medidanan aki ta priki solamente un tiki, neglishando por completo e lucha cu gran parti di e comunidad aki tin tur luna pa cumpli cu nan obligacionnan financiero di tur luna.

Pa colmo ta acercando un di e periodonan mas importante y mas costoso pa tur famia aki na Aruba, esta e momento pa prepara nan yiunan pa e siguiente aña escolar, cu placa di school pa paga, paña nobo pa cumpra y material cu e yiu tin mester pa sigui school tur dia.

Un situacion caotico y cu ta mustra di lo bira ainda mas dificil segun e dianan di medida ta pasndo, fraccion di AVP ta mustra.

- Advertisement -

DUNA COMENTARIO

Please enter your comment!
Please enter your name here