Home Salud Den temporada di calor nos grandinan mester tuma precaucion

Den temporada di calor nos grandinan mester tuma precaucion

9
0
SHARE
- Advertisement -

Director di Wit Gele Kruis

ORANJESTAD  (AAN):  Director di Wit Gele Kruis, Gino Goeloe ta haci un yamada pa hendenan grandi cuida nan curpa durante e temporada di calor halto cu ta wordo sinti den e dianan aki.

Semper den temporada di horcan ta un temporada cu ta haci hopi calor, caminda e grandinan mester tuma precaucion pa cuida nan curpa. Si nan ta sufri di presion, nan mester tuma nan pildonan di presion tur dia.

Ta conoci cu nos grandinan tin e custumber di cushina den oranan di merdia cu ta haci hopi calor y ta conseha nan pa miho cushina mainta. E calor di cushina durante oranan di merdia ta haci e posibilidad halto cu nan por haya atake di curason of stroke.

Esaki tambe ta conta si nan ta bay haci cas limpi. Tambe ta conseha pa bebe 7 pa 8 glas di awa pa dia durante e temporada calor aki y menos refresco y juicenan cu ta contene hopi sucu.

Pa esnan cu no tin custumber di bebe awa, corta lamunchi of appel y pone esaki den canica di awa pa dun’e sabor y esaki ta contene mas mineralnan den dj’e.

Den e temporada aki tin extra control di parti di Wit Gele Kruis na casnan pa e hende grandinan cu no por yega cerca nan. Esaki ta pa specificamente controla nan presion pa e no subi.

Ta pidi e grandinan pa biba mas saludabel cu por. Baha man na salo, baha man na vet. Preferibel no come cumindanan di bleki.

- Advertisement -

DUNA COMENTARIO

Please enter your comment!
Please enter your name here