Home Actividad Especial Diadomingo lo busca forma pa recauda 10.000 Florin pa Mary Joan Foundation

Diadomingo lo busca forma pa recauda 10.000 Florin pa Mary Joan Foundation

29
0
SHARE
- Advertisement -

ORANJESTAD (AAN): Diadomingo awor 1 di Juli 2018, e organizacion di GLW Foundation cu ta organiza Miss Teen Aruba International, lo bay ta dunando un man pa tene un evento grandi pa Mary Joan Foundation.  E meta ta pa yega 10.000 Florin.

E evento lo ta na Sabana Blanco 8, na oficina di Mary Joan, y lo cuminza pa 9’or di mainta cu un Mainta di Coffie, cu bolonan dushi combina cu coffie, te, of juice pa solamente 10 Florin.

Tambe lo bende bolo na pida of bolo henter.  Lo tin tert, cocada, cuki, dushi di lechi.

DIARIO a compronde cu 12’or di merdia, lo cuminza cu un suculento Festival di Soppi cu mas di 10 diferente tipo di sopi, y esaki tambe pa 10 Florin.

Fuera di esey, lo tin pastechi, croket, popcorn, cotton candy, nachos, y un Bar bon surti.  Lo tin un rifa tambe unda bo por gana premionan fabuloso.

Pa e muchanan lo tin Dino Jump, Trampolin, y Carousel.

E mascota cu Copa Mundial Rusia 2018 tambe lo tey, y lo tin shownan di baile, y cantantenan infantil invita di Festival Voz di Kiniki.

E dia aki tambe lo  tin colect tur rond Aruba, for di 9:00 am te cu 6:00 pm.  E evento lo wordo transmiti pa diferente emisora.

George Winterdaal di GLW Foundation di e forma aki ta spera cu nan yudanza pa duna un man na e rumannan di Mary Joan Foundation, lo por pone pa nan yega na e suma di placa aki.  Arbella Reyes-Colina di Mary Joan Foundation, ta hopi contento tambe cu nan ta hayando e sosten pa por organiza e Dia di Famia aki, y pa haya fondo pa yuda esnan cu ta sufri di cancer.

- Advertisement -

DUNA COMENTARIO

Please enter your comment!
Please enter your name here