Home Economia Direccion di Finanza a constata cu gobierno anterior a laga un deficit...

Direccion di Finanza a constata cu gobierno anterior a laga un deficit di 117 miyon florin

130
0
SHARE
- Advertisement -

Prome Minister a cuestiona:

ORANJESTAD (AAN) – Minister Presidente Evelyn Wever-Croes, a duna di conoce cu siman pasa gobierno a ricibi for di Direccion di Finanzanan e cuentanan anual di 2017.

Esaki ta e cuentanan cu nan ta traha na final di aña y ta indica con e placa a wordo gasta realmente y su a wordo surpasa of no.

Direccion di Finanzas a cuminza pa bisa cu e ultimo cuenta anual ta cay bao maneho di gobierno anterior, pues Gabinete Eman y con nan a gasta e placa durante e aña.

E deficit a sali hopi mas halto cu e norma cu mester tabata di 25 miyon. E ta 117 miyon y cu esaki e porcentahe no ta 0.5% manera e mester tabata y nan a cumbini, sino 2.4 miyon y esaki a haci cu e debe a yega na 4.200 miyon florin cu ta igual na 86.8% di nos GDP.

Minister Presidente a señala cu esaki ta confirma, naturalmente, e situacion financiero preocupante cu gobierno a hereda y cifranan irealistico.

Esaki ta confirma tambe e motibo pa cual gobierno mester a tuma e pasonan doloroso y firme pa soluciona e problema financiero di nos pais y coregi e rumbo cu nos pais tabata cana, pa gana e credibilidad financiero bek.

E dignatario a splica cu e cuentanan anual aki ta bayendo di Direccion di Finanzas na Contraloria General di Aruba pa haci un investigacion riba nos cuenta anual.

Direccion di Finanzas a indica cuanto tabata tin presupuesta y cuanto a gasta, cuanto a bay na personal, unda tabata tin un gasto enorme di e 117 miyon adicional aki. Mitad ta na personal adicional cu gobierno anterior a tuma den curso di aña di eleccion; tambe tin un gasto enorme na huurmento di MFA. E decision aki tabata sumamente iresponsable, segun e dignatario, y cu nan mes no a tene cuenta cune den nan presupuesto.

ARA ta bay mira cuanto placa a surpasa den e decisionnan aki y si nan ta legitimo. Y ta manera gobierno ta kere cu ta pa djis tuma hende den servicio, regala hende contrato pa campaña pa gana voto, e ta ilegal y lo sigui un investigacion penal, pasobra gobernantenan no por pensa cu nan por abusa riba fondo di pueblo, cumpra voto pa purba influencia un eleccion, anto “get the way” cune.

Despues di Contraloria General e documento ta bay Parlamento pa debati riba dje y ora bin bek na ARA gobierno lo bay haya sa si tabata tin actonan ilegitimo, ilegal of si nan ta hustifica cu prueba. E ora ey gobierno ta bay tuma su pasonan.

- Advertisement -

DUNA COMENTARIO

Please enter your comment!
Please enter your name here