Home General Director di Elmar a duna algun motibo pakico coriente sa cay

Director di Elmar a duna algun motibo pakico coriente sa cay

94
0
SHARE
- Advertisement -

ORANJESTAD (AAN): Ora coriente bay… bo ta tende reclamo tur caminda mesora!  Hendenan ta gruña cu “Aruba a bira mescos cu Republica Dominicana…” etc.

Cada biaha cu coriente bay, ta un of otro storing ta e causa.  E Director di NV Elmar a duna algun ehemplo.

Tin biaha NV Elmar ta haya cu un cut-out ta kima, ta cosnan cu no ta planea. E ora ta kita coriente pa por kita e cut out. E ta algo cu ta dura masha poco, ta mei ora pa 45 minuut.  Esaki ta pasa hopi den Santa Cruz y Noord.

Un otro fenomeno ta tambe e cantidad di accidente cu ta tumando luga ultimo temponan. Autonan ta dal den palonan di luz. Esaki ta sosode mas tanto den weekend. Elmar ta haya cu necesariamente mester kita coriente y ta tarda un tiki prome cu pone coriente back, despues cu drecha e palo di luz. Depende con grandi e daño ta.

Tambe ta haya e parhanan, cu ta keda pega den e cabelnan di voltahe halto. P’esey ta haya cu coriente ta worde kita pa un rato. Tin diferente motibo pa cual coriente ta bay; ta cosnan simple manera un blaas di helium, cu ta bay dal den e hoogspanning, cu ta corta mesora.

Asina ey ta haya diferente aspecto cu tin biaha ta fuera di bo alcanse. Pero berdad ta purba di pone shutdown, pa evita cu ta shutdown cu cosnan bieu, cu ta kita e coriente innecesariamente.

Ora di awasero, door cu Aruba ta hopi stoffig, e ta forma un base cu ta kima e fuse cu ta crea e candela. Ora cu awa yobe, preferiblemente pa e yobe duro, sin e lamper. Ya cu asina cu e lamper dal, e ta corta hopi ariba e fusenan. Y ta afecta un bario basta grandi. Si e yobe duro, e ta corta den hopi zona. Pero ora cu e awa djis fingi un tiki, esey ta trece mas problema, segun Sr. Robert Henriquez, director di NV Elmar.

- Advertisement -

DUNA COMENTARIO

Please enter your comment!
Please enter your name here