Home Transporte y Utilidadnan Director di Elmar a wordo suspendi pa 30 dia

Director di Elmar a wordo suspendi pa 30 dia

173
0
SHARE
- Advertisement -

ORANJESTAD(AAN)—Ayera e hunta di comisario di Elmar NV a tuma decision di suspende e director di Elmar pa un periodo di trinta dia.

E decision no tabata un facil pero si un necesario mirando entre otro e diferente kehonan serio di mal maneho y iregularidadnan den e compania, e kehonan di “secuestro” cu a wordo haci recientemente na landsrecherche y tambe e intrankilidad cu ta existi pa un tempo caba, un comunicado di hunta di comisario emiti ayera tardi ta menciona.

Mirando esaki, hunta di comisario a conclui cu un investigacion na e diferente keho y sospechonan ta necesario. E suspension lo sirbi tambe como un tipo di “koel af periode” den cual ta spera di por trece trankilidad bek na Elmar y frena e discusion publico negativo tocante e director y tocante Elmar cu ta tumando lugar.

Hunta di comisario mester a interveni pa asina por cumpli cu su responsabilidad manera duna door di statutonan di Elmar.

Pa loke ta e investigacion na e director suspendi, esaki lo cuminza di inmediato y lo mester wordo haci cu cautela y prudenci. Pesey, y den interes di Elmar (y e director mes) hunta di comisario lo abstene su mes di comentario despues di ayera y durante henter e proceso di investigacion, segun e comunicado di e hunta cu ta pidi comprension pa esaki.

- Advertisement -

DUNA COMENTARIO

Please enter your comment!
Please enter your name here