Home Labor Director di NV Elmar a desmenti cu nan a ‘secuestra’ un trahador

Director di NV Elmar a desmenti cu nan a ‘secuestra’ un trahador

99
0
SHARE
- Advertisement -

ORANJESTAD (AAN): Director di NV Elmar, sr. Robert Henriquez, a splica riba e situacion den cual algun trahado a pone trabao abao, sali pa manifesta nan malcontento, cu sosten di sindicato, unda cu te hasta a bisa cu a secuestra un di nan colega.

Sr. Henriquez ta aclarea cu ningun momento a secuestra ningun trahado, sino cu a sinta hunto cu e trahado en cuestion pa haci preguntanan como parti di investigacion cu ta andando riba posibel iregularidadnan den e compania.

E director di Elmar a encarga e compania Caribbean Forensic cu e investigacion pa e caso aki.     E ta splica cu e trahado a mustra cooperacion pa cu e investigacion, cual a dura oranan largo door di e varios preguntanan, pero cu ningun momento a secuestra y obliga e trahado contesta pregunta.

Di otro banda, e sindicato ta mustra cu autoridadnan concerni manera LandsRecherche por ehempel mester haci e investigacionnan y no un compania cu ta bin interoga un trahado. Segun Sr. Henriquez, como director, e mester percura pa tin pruebanan concreto prome cu e yega na un conclusion pa sa cua ta e siguiente pasonan cu e mester tuma pa e posibel iregularidadnan cu por ta andando.

Sr. Henriquez ta sigui splica cu e no a notifica e sindicato concerni y no ta pa regla cu e mester notifica nan. E mester notifica e Directiva y pone nan na altura di e situacion. Ademas, e ta aclarea cu mas di un trahado a worde interoga caba y cu falta, pues e investigacion ta andando ainda.

Por ultimo, Sr. Henriquez a splica cu e no ta compronde e motibo pa cual e trahadonan a sali expresa nan malcontento cu sosten di nan sindicato. Y pa loke ta e palabra cu a ser uza, cual ta “secuestro”, ta uno fuerte, incorecto y cu a trece un confusion grandi.

- Advertisement -

DUNA COMENTARIO

Please enter your comment!
Please enter your name here