Home Gobierno Director Suplente di Guardacosta Middelhof a bishita Minister Besaril

Director Suplente di Guardacosta Middelhof a bishita Minister Besaril

117
0
SHARE
- Advertisement -

ORANJESTAD(AAN)— Director Suplente di Guardacosta di Reino Hulandes den Caribe Eugène Middelhof MBA a haci un bishita di cortesia na Minister Plenipotenciario Guillfred Besaril.

Durante su bishita cerca minister Besaril, sr. Middelhof a tene un presentacion riba Guardacosta, na unda el a duna un splicacion di e organisacion, e mision y e strategia pa futuro. Tambe el a elabora riba e posicion actual di Guardacosta y ki plannan tin riba mesa pa fortifica e presencia di Guardacosta den Caribe y asina brinda seguridad maritimo den e henter e region.

Sr. Middelhof a informa e mandatario con e strategia lo haya forma den e siguiente añanan y cu esaki ta rekeri tambe cooperacion intenso entre Guardacosta y tur partner riba tereno di detectamento maritimo.

Guardacosta ta den proceso pa den e proximo añanan modernisa nan material, manera e sistema di walradar na e islanan ABC, helicopter y cutternan nobo.

Minister Plenipotenciario Guillfred Besaril a gradici sr. Middelhof pa su presentacion extenso riba e Guardacosta di Reino Hulandes den Caribe. E mandatario a bisa di ta basta conoci caba cu e trabao di Guardacosta den su periodo como agente policial, pero ta hopi contento di por a haya un update di e situacion actual y e plannan pa futuro.

E potret ta cortesia di Cas di Aruba

- Advertisement -

DUNA COMENTARIO

Please enter your comment!
Please enter your name here