Home arte y espectaculo Documentario “Promesa Falso” riba e problematica di trafico di hende lo wordo...

Documentario “Promesa Falso” riba e problematica di trafico di hende lo wordo lanza pronto

213
0
SHARE
- Advertisement -

Social Entrepreneur Paula Nahr di Switch Foundation ta e motor tras di e tremendo produccion aki

ORANJESTAD  (AAN):  “Promesa Falso” ta un documentario tocante y pa preveni traficacion di hende cu ta den su fase di produccion na e momentonan aki.

Ta papiando akinan di un documentario cu ademas di interesante, ya cu ta toca un tema hopi actual, lo bira un herment hopi importante pa yuda concientiza e comunidad riba e problematica aki cu tambe ta afecta Aruba.

E social entrepreneur Paula Nahr ta e motor tras di e proyecto aki. E ta realizando esaki conhuntamente cu un team di profesionalnan cu ta dedicando nan experticio y nan tempo valioso na duna bida na e obra di arte aki, cu pronto lo ta disponible riba Youtube.

Cu e meta di educa, duna guia y empodera esnan vulnerable pa medio di videonan of documentarionan experimental Switch Foundation a lanta na aña 2011 door di e vision di Nahr.

Tur hende por corda di e documentarionan impactante cu a wordo pasa na television unda a focus riba problematicanan manera drogadiccion y embarazo hubenil, entre otro.

E tempo ey, Switch Foundation a conta cu e apoyo di NGOs cu a yuda nan cu e investigacion y guia pa compronde e topiconan.

Paula Nahr a comenta: “Ora mi a cuminsa mi no tabata tin un plan. Mi a djis follow mi curason/instinto pa haci algo cu awor conciente mi tabata desea pa haci desde un teenager di tin un fundacion. Mi ta kere semper mi tabata tin e conciencia social cu nos no por logra nada nos so. Ser humano pa naturaleza ta traha pa biba como comunidad, como un tribu. Cada bes universidadnan y institucionnan ta siña nos pa ta individualista y pensa riba bo so pero bo ta wak cuanto hende ta cana insatisfecho y infeliz cu nan supuesto “exito” haciendo manera robot locual a wordo bisa pa haci y nunca a follow nan soñonan”.

Nahr mes a pasa den esey, el a bisa. Haci locual sociedad ta bisa pa haci y cu tempo el a perde e motivacion. Sinembargo e no a rindi su mes.

Aunke el a dicidi di traha den sector comercial, den e tereno di real estate y sales, el a dicidi di sigui su soño. Cu hopi miedo, el a enfatiza, pero asina mes el a lanta su mesun organizacion y compania Nahr Media. Como social entrepreneur, cu e sosten di diferente profesional, e ta logrando su obhetivonan di crea un sociedad mas conciente.

   “Via video esaki ta wordo realiza pasobra nos mester adapta y evoluciona hunto cu e mercado.

Como creativo of artista bo mester tin bo metanan cla y siña con pa sostene bo mes cu esaki. Con? Well, den mi caso mi a busca, lesa, siña locual mi no por a afford pa paga y haci’e mi mes, puntra hopi y pidi ayudo. Ora hende wak bo comprometi y bezig nan mes ta ofrece pa yuda’bo. Esey si na cuminsamento ta mas e NO cu mi a haya pero na caminda mi a duna danki pa e “NO’s” pasobra nan a challenge mi pa sigui y logr’e”.

Paula Nahr ta di opinion cu tin momentonan unda bo mester cana bo so y demostra cu hechonan cu bo por (tuma accion). No mester keda depende solamente di otro pa financia bo proyecto… mester busca manera, strategia pa bo logra sostene bo mes te ora cu e support financiero drenta.

“Promesa Falso” ta un documentario poderoso, cu a conta cu un proceso di investigacion y a basa su mes den storianan real di trafico di hende. No tabata facil pa yega na unda Switch Foundation a yega pa produci un documentario asina.  Esaki lo bira tema pa un di dos articulo unda lo elabora riba e documentario mes, su contenido, e proceso di produccion y tur locual kier logra cune. Keda pendiente.

- Advertisement -

DUNA COMENTARIO

Please enter your comment!
Please enter your name here