Home General Doño di edificio di Excelsior Casino ta garantisa cu nan no lo...

Doño di edificio di Excelsior Casino ta garantisa cu nan no lo cera dia 18 di September

143
0
SHARE
- Advertisement -

Anselmo Pontilius:

ORANJESTAD (AAN) — Tin preocupacion cerca e trahadornan di Excelsior Casino. Tin discusion andando cu sindicato, trahadornan y gerencia di e casino aki. Mediador di gobierno ta envolvi.

Segun Anselmo Pontilius, na momento cu e trahadornan a organisa nan mes, y si por corda algun siman pasa, tabata tin un referendum den cual cu mayoria di trahadornan a scoge pa FTA representa nan, den e reunion aki e trahadornan a expresa nan preocupacion. Nan informacion ta cu e dunador di trabao awor aki, como operador di casino ta termina dia 18 di September. Informacion ta cu e casino ey lo cera pa e dia ey, cu tur consecuencia ya cu e operador a informa cu financieramente nan no tin e forma pa paga e trahadornan nan añanan di servicio, etc. A ripara esaki mesora y a busca e informacion y berdad e operador a wordo confirma cu e tin varios problema.

Esey no kiermen cu e operador no ta trahando. Mientras tanto a sinta siman pasa y tambe e siman aki a sinta un biaha mas cu FTA y cu e abogado di e compania, pa mira prome pa firma un protocol cu ta regla e puntonan specifico, prome cu nan drenta den negociacion mes. E punto principal ta cu a keda confirma, cu e casino, contrario na e pensamento cu e lo cera dia 18 di September, e casino e aña aki no lo cera mas. Esey no ta nifica cu e problema ta resolvi. Pero tin bastante preocupacion riba con lo sigui. Den e reunion cu a tuma luga entre FTA y abogado di e Excelsior Casino, a palabra cu lo bolbe bek den e prome siman di Augustus pa mira si por firma un acuerdo y eyden purba di haya claridad pa futuro di e trahadornan.

E doñonan di e edificio aki y esnan cu tin e licencia pa opera e casino, e grupo aki di Lionstone a informa cu otro aña nan lo kier renoba e casino aki. Consecuentemente pa un periodo no lo tin un casino den operacion. E puntonan aki mester ta trata debidamente, pasobra ta papiando aki di 55 pa 60 trahado y gran mayoria di nan cu un gran cantidad di aña di servicio. E temor ta grandi cu nan por haya nan mes cu problemanan serio, mescos cu ta e caso di Aura Casino, manera cu por a mira un aña, pa un aña y mey pasa.

Garantia

Pontilius a sigui splica cu garantia no tin. Den e caso aki, por lo menos e combersacionnan cu mediador di gobierno a hiba na e momento aki cu e abogado di e compania, cual ta e dunador di trabao y tambe abogadonan di esnan cu tin e licencia, a palabra cu ta trata di tur forma pa preveni loke a pasa den e caso di Aura Casino y den e caso aki, e sugerencia ta tambe cu den caso cu e dunador di trabao no por cumpli cu esnan cu tin e licencia, lo por continua cu e casino aki y preveni loke cu a mira den e caso di Aura Casino.

A reuni cu ken

A reuni den dos parti. A reuni conhuntamente cu e abogado di Excelsior Casino, cual ta e dunado di trabao y na e mesun momento a busca un reunion cu abogadonan di doñonan di e edificio y esun cu tin e licencia di e casino. Den un reunion cu esnan cu ta doño di e edificio y cu tin e licencia na man, a trece bastante trankilidad, cu ta confirma cu e casino su operacion no lo cera awor aki na September.

Inkrimping

E ultimo reunion cu tabata tin cu abogadonan di e compania cu ta doño di e edificio a informa contrario cu Aura Casino, cu nan lo tin un casino, despues cu e renobacion tuma luga, mes of mas grandi. Nan speransa ta cu net contrario, lo mester di e cantidad di hende aki sigur of mas.

E punto principal cu tin awor aki cu tin un dunador di trabao cu yama Excelsior Casino NV y ta bin un discusion pronto, cu esnan cu ta tuma over, y esey ta e debate riba e ley cu ora bo ta tuma over e compania, bo ta tuma e trahadornan, etc. Eynan ta bin un discusion cu si berdaderamente ta yega na un areglo cu ta paga tur hende y ta laga nan cuminsa completamente di nobo of nan lo continua cu nan añanan di servicio, nan condicionnan di trabao, nan salario, manera e ta, etc. Esey ta un punto cu e partidonan tin cu yega na otro. Importante ta awo cu a trece bastante trankilidad cu e casino no lo cera dia 18 di September, manera a wordo informa anteriormente.

- Advertisement -

DUNA COMENTARIO

Please enter your comment!
Please enter your name here