Home Social Douaneronan  Arubiano a participa na Vierdaagse di Nijmegen

Douaneronan  Arubiano a participa na Vierdaagse di Nijmegen

29
0
SHARE
- Advertisement -

ORANJESTAD (AAN): E aña aki atrobe un grupo di cuater oficial di Cuerpo di Douane di Aruba a cana e di 102 edicion di e 4-daagse di Nijmegen.

Minister Plenipotenciario Guillfred Besaril riba invitacion di Douane di Hulanda a presencia na Fletcher Hotel na Berg en Dal e entrega di medayanan na e participantenan di Douane.

Marlon Ruiz a haya su medaya pa a participa e aña aki pa di 14 biaha y Giovanni Davelaar cu a cana e aña aki pa di 12 biaha. Tambe Oliver Wever a haya un medaya pa a cana e Vierdaagse pa di 4 biaha. Finalmente Jerrold Tromp cu a participa e aña aki pa di dos biaha.

Minister Besaril a gradici Douane di Hulanda pa nan hospitalidad y a felicita e cuater douaneronan di Aruba cu nan participacion na e Vierdaagse di Nijmegen. Despues di e ceremonia a sigui un encuentro informal unda e mandatario por a sigui papia cu e douaneronan tocante di nan ex-perencia cu e caminata aki.

Minister Plenipotenciario Guillfred Besaril tambe kier a felicita tur e Arubanonan sea individual of den grupo cu a cana e Vierdaagse di Nijmegen 2018.  Potretnan pa cortesia di Cas di Aruba.

 

- Advertisement -

DUNA COMENTARIO

Please enter your comment!
Please enter your name here