Home Economia E tempo nos dilanti no ta esun mas faborabel pero hunto nos...

E tempo nos dilanti no ta esun mas faborabel pero hunto nos lo persevera pa saca Aruba padilanti

96
0
SHARE
- Advertisement -

Endy Croes di MEP:

ORANJESTAD (AAN): Parlamentario Endy Croes ta splica cu e Coalicion actual a hereda un Aruba hopi abati. Un Aruba na rand di bancarota. Un Aruba cu un finasas publico deteriora den un forma desastroso. Un Aruba cu a worde “ABUSA” di politiconan di AVP ultimo 8 añanan.

Un Aruba cu mester paga na interes so 216 MIYON den aña 2018 cual ta igual na 600 mil Florin pa cada dia. Un Aruba cu un debe nacional cu a worde redobla den e ultimo 8 añanan cual a alcansa 93%. Es decir di cada Florin cu drenta caha di gobierno mediante impuesto 93 cen ta comprometi pa paga debenan di AVP.  Mester recorda pueblo cu momento cu a tuma gobernacion over 17 di November 2017 no a haya ningun documento, no a haya computers, tur e wayanan di Setar den Cocolishi tabata corta y e hard disk di e “SERVER” tampoco tabata t’ey. Pues un caos total.

Sinembargo nos ta anhela e mihor pa nos yiunan. Nos tin un liderazgo femenino cu ta determina pa enfrenta e retonan aki cu positivismo. Den transcurso di e promer lunanan den gobernacion mester a atende cu masha hopi problema sin lubida e problema di Venezuela cu tambe tabata tin mester su atencion continuo momento cu a cera e fronteranan. Nos a atende na un manera profesional cu e deficit 2017 cu tabata 155 MIYON Florin cu AVP a laga atras mientras e ley di LAFT di acuerdo cu e norma mester tabata un deficit di 0.5%, esta 25 MIYON Florin.

Nada di tur locual nos a hereda no a descurasha nos pa traha pa Pais Aruba cu nos mihor intensionnan. Nos lo keda positivo ehecutando nos programa di gobernacion manteniendo e hende central. Nos lo bay percura pa crea empleo pa nos conciudadanonan. Nos lo percura pa un mihor Aruba pa nos hendenan. Nos lo traha dia y nochi sin descansa pa por cumpli cu nos promesanan. Aunke no tur ora esaki ta bay mesun facil.

Mi plegaria na henter nos pueblo ta pa tene pasenshi y yuda nos traspasa e momentonan mas dificil y pronto nos lo mira e Solo briya atrobe pa un y tur. Nos unico compromiso mester ta pa nunca pero nunca mas AVP bolbe back den cualkier gobernacion. Hunto nos lo supera tur obstaculo.

- Advertisement -

DUNA COMENTARIO

Please enter your comment!
Please enter your name here