Home Ciencia y Tecnologia Eclipse Total di Luna por a wordo observa na Aruba levemente den...

Eclipse Total di Luna por a wordo observa na Aruba levemente den su fase final

193
0
SHARE
- Advertisement -

ORANJESTAD   (AAN): Pa medio di un comunicado di prensa Marcos Bislip di Aruba Astro Research Int., Asociacion Nacional Arubano di Astronomia ta informa cu e evento di Eclipse Total di Luna Saros 129 di Diabierna Dia 27 di Juli 2018 a bai perfectamente bon.

Tur e datanan di eclipse a cuadra perfectamente manera e team internacional di eclipse y astronomia a calcula. E team internacional ta usa un software special y tambe dos satellite GPS pa calcula e eventonan di e sombra di luna cu na cierto parti di mundo ta cubri un area si ta un eclipse di solo y di luna cu un area na mundo ta observa e sombra cubri e superficie di e luna.

E evento tabata visibel solamente na e otro parti di mundo y cu e parti final cu ta e penumbra e sombra leve por wordo observa na Aruba pa 7:11 di anochi di Dia 27 di Juli 2018 pero e condicion di tempo no a coopera.

E evento di Eclipse Total Lunar Saros 129 a cubri partinan pariba di e continente africano, Egipto, medio oriente como tambe un parti di Asia cu duracion mas hopi. Gran parti di Africa pabou, Europa, como tambe Indonesia, Filipinas, Australia tur a observe parcial y total tur e partinan mas pariba a observa full e evento y mas pabou parcial, mientras cu na Aruba e penumbra so tabata visibel pero no por a observe pa motibo di e condicion di tempo ya cu tabata hopi nubla.

Ta lamenta cu tin algun informacion incorecto awordo publica den prensa y ariba facebook cu Aruba ta bai observa e Eclipse Lunar Saros 129 aki na Aruba den oranan di anochi na unda hopi persona ta observa na halto y ta mira e luna wardando ariba e eclipse mientras cu e evento a pasa caba na e otro parti di mundo den oranan di merdia pa atardi aki na Aruba.

Esaki ta e data oficial di e oranan di e evento:

Penumbral Eclipse began         27 Jul, 01:14:47           pm No, below the horizon

Partial Eclipse began                            27 Jul, 02:24:27           pm No, below the horizon

Full Eclipse began                                27 Jul, 03:30:15           pm No, below the horizon

Maximum Eclipse                    27 Jul, 04:21:44           pm No, below the horizon

Full Eclipse ended                   27 Jul, 05:13:11           pm No, below the horizon

Partial Eclipse ended                            27 Jul, 06:19:00           pm No, below the horizon

Penumbra Maximum                    27 Jul, 07:11:00 pm Yes

Penumbral Eclipse ended                     27 Jul, 07:28:38           pm Yes

 

The magnitude of the eclipse is 1.609.

The penumbral magnitude of the eclipse is 2.679.

The total duration of the eclipse is 6 hours, 14 minutes.

The total duration of the partial phases is 2 hours, 12 minutes.

The duration of the full eclipse is 1 hour, 43 minutes.

Otro Aña 2019 Dia 20 pa 21 di Januari na Aruba lo experiencia un evento di Eclipse Total di Luna Saros 134 esaki lo inicia cu penumbra pa 10:36 di anochi y parcial ta inicia pa 11:33 di anochi y full eclipse ta cuminsa pa 12:41 di mei anochi pa 1:12 di marduga e maximo ta tuma lugar y pa 1:43 di marduga e eclipse total ta termina y pa 2:50 di marduga e eclipse parcial ta termina y pa 3:48 di marduga e penumbra ta termina y asina e evento di eclipse di luna ta finalisa completo.

- Advertisement -

DUNA COMENTARIO

Please enter your comment!
Please enter your name here