Home Salud Esnan cu kier cambia doctor di cas ainda tin posibilidad cerca Dr....

Esnan cu kier cambia doctor di cas ainda tin posibilidad cerca Dr. Rolfast y Dr. Hoelas-Ramcharan

107
0
SHARE
- Advertisement -

ORANJESTAD   (AAN): Den 2018, e cliente di AZV tin e oportunidad pa cambia dokter di cas. Normalmente AZV ta atene su mes na dos periodo pa haci cambio di dokter di cas, na maart y september. Sra. Solange Tchong, vocero di AZV ta amplia.

E aña aki kier brinda e oportunidad na publico, pa haci cambio di dokter di cas. esaki ta posibel pa dokternan di cas nobo. Ta papia specificamente di dr. Corina Rolfast y Dr. Usha Hoelas- Ramcharan, cu ta dos dokter nobo cu a start na 2018.

P’esey lo duna e oportunidad na e cliente pa inscribi. Dr. Corina Rolfast ta ubica na Dakota, e ta hunto cu Dr. Dianta de Cuba na Bazinstraat 2. Y e otro dokter cu tambe tin luga ainda na Ponton, ta dr. Usha Hoelas- Ramcharan, na Caobastraat 2. E ta hunto na e oficina di Dr. Angela. Pero cada un tin nan propio cantidad di pashentnan.

Como AZV, nan kier manda un recordatorio y un invitacion na tur e pashentnan cu ta yama AZV cu nan ta un dokter di cas cu ta hopi druk of cu no tur ora ta brinda un servicio cu pa nan satisfactorio. Ta recorda nan cu tin toch un extra servicio door cu AZV ta brinda e oportunidad pa cambia ainda, si kier cambia pa e docternan di cas aki.

Na momento cu’n pashent tin e pensamento cu e kier cambia di cas, pasobra cu e no ta satisfecho, cu cualkier motibo, por haci cambio di cas, esaki ta un excepcion den 2018, cu ta desvia di luna di maart y september. Pero esaki ta solamente posibel si ta opta pa cambia pa un di e dokternan ya menciona. Eseynan ta e opcionnan cu tin. E motibo cu tin tambe ta door cu den 2017, den e luna di september, AZV tabata sera. Tur e dokternan di cas tabata yen, cual no a duna oportunidad na e clientenan di AZV pa por a haci un cambio.

P’esey den 2018, a dicidi cu ta mantene e periodo maart y september habri, pero tin adicional e servicio, cu si un persona ainda kier cambia, e por cambia pa Corina Rolfast na Dakota of dr. Usha Hoelas – Ramcharan na Ponton.

Mester pasa na e consultorio pa yena e formulario eynan, pa asina AZV procesa e cambio di e cliente. Te asina leu e informacion duna pa Sra. Solange Tchong, pa loke ta trata opcion pa cambio di dokter di cas.

- Advertisement -

DUNA COMENTARIO

Please enter your comment!
Please enter your name here