Home Economia Esnan cu tin otro compania cu ta recoge sushi tambe lo tin...

Esnan cu tin otro compania cu ta recoge sushi tambe lo tin di paga pa Serlimar

667
0
SHARE
- Advertisement -

Minister Otmar Oduber a splica:

ORANJESTAD (AAN)—Den conferencia di prensa yama pa Minister di Infrastructura y Desaroyo di Medio Ambiente, sr. Otmar Oduber, el a wordo puntra si e clientenan cu ta haci uso di e servicio di otro companianan di recogemento di sushi, tambe lo mester paga e tarifa pa Serlimar.

Tambe a puntra e dignatario con exactamente e cobranza via CIAD lo tuma lugar.

E mandatario a contesta e di dos pregunta aki prome. El a splica cu exactamente mescos cu e impuesto di erfpacht ta wordo cobra, asina lo cobra esun di Serlimar.

Kiermen e famia lo haya e cobranza apart y cada aña. E persona tin e aña ey pa pague sea pa luna, pa cuartal of na final di aña. Tambe por scoge pa lague aden pa wordo desconta di e restitucion di impuesto. Den dje ta wordo specifica cu ta e tarifa di Serlimar.

Encuanto e clientenan cu ta haci uso di servicio di otro compania, e minister a bisa cu e ley no a cambia. Cu e ley ta bisa cu tur punto di recogemento di sushi, kiermen tur cas pero ta exclui e momentonan aki e parti comercial, tin e obligacion di paga. E no ta trata solamente di recogemento di sushi cu ta un parti chikito di e cobranza, pero con e desperdicionan ta wordo maneha despues.

E mandatario a splica cu for di entrante Dialuna, ningun truck di sushi lo ta bashando sushi na Parkietenbos como ta poco Eco Tech, cu ta e dos companianan mas grandi cu Aruba tin.

Esey kiermen cu pa caso 90 porciento ta bay limita e shutting cu ta tuma lugar na Parkietenbos cu por fin a yega na e punto cu aworaki cu henter e luna e tipping a tuma lugar a base di un acuerdo cu tin cu Arugas, pa e sushi wordo dera na un manera responsable, y esaki lo tuma lugar durante e proximo aña y mey te ora lo yega na e planta nobo y e tecnologia nobo di con pa atende cu e sushi, y e ora ey definitivamente e dump di Parkietenbos lo keda den pasado.

- Advertisement -

DUNA COMENTARIO

Please enter your comment!
Please enter your name here