Home Gobierno Esun cu bende su vehiculo di motor y tin debe di impuesto...

Esun cu bende su vehiculo di motor y tin debe di impuesto habri ariba dje na DIMP ta hinca e doño nobo den problema

358
0
SHARE
- Advertisement -

ORANJESTAD   (AAN): Ehecucion di ley di belasting di vehiculo di motor no ta encera solamente e cobransa. E ta bay mas leu cu esey y Departamento di Impuesto ta sigui brainstorm cu partnernan pa mira con por mehora e sistema di control.

Directora di Servicio di Impuesto, Luenne Gomez-Pieters a splica cu tin diferente cos cu mester tene cuenta cun’e. Manera ta conoci, no ta uzando e plachi nobo di metal tur aña mas. Esaki antes tabata mas visibel, ora cu un persona ta coriendo cu un plachi number bieu. Esaki antes tabata necesario pasobra pa ley Polis tabata haci e controlnan pa Belastingdienst.

Pero e ley a cambia entrante januari 2017. Den un forma transitorio den cual ta pensando ariba e miho solucion, e companianan di seguro tambe a vocifera nan pensamento pa tin un sistema unda por constata cu e seguro di e vehiculo tambe ta paga. Normalmente ta haci e control aki ora cu e cliente bin paga su number of mihor bisa su impuesto di vehiculo di motor.

Esaki ta algo cu seguramente lo por keda digitaliza. E ta encera cu mester haci inversion den un sistema/software, cu mester ta posibel awendia. E kier a enfatisa si cu Departamento di Impuesto no ta y no por comparti informacion di ningun cliente na cualkier compania of departamento. Informacion cu   Departamento di Impuesto tin ta e info cu no ta di comparti cu otro instancia, sin cu esaki ta posibel a base di ley. Tin un convenant firma cu otro departamentonan cu ta bisa kico ta e informacion cu pa ley por wordo intercambia, ken ta haya e informacion aki y pa ki meta e por wordo usa.

Ta den deliberacion pa bini cu algo cu lo bira un number fiho. A haya comentario y sugerencia y tin preocupacion cu a wordo expresa pa loke ta visibilidad. Pa impuesto e ta visibel kende a paga of no. Awo e plachi di number ta bay tin otro informacion cu por wordo capta door di Polis y companianan di seguro, y por wordo uza pa otro tipo di investigacion di Polis. Kier yega na un plachi sabi. Pero esaki ta algo cu ta bay sosode den fase, pa cumpli cu deseo di e otro departamentonan.

Tambe el a splica cu e doño di auto cu no cumpli cu pago, no solamente no por cumpra un number nobo, pero si e bende e auto e doño nobo no por cumpra number. Via e number di registro ta mira si e doño anterior a cumpli cu tur su pagonan di belasting di auto. Esaki no ta conta pa autonan cu bini di afo. P’esey a traha un propaganda cu ta pasando na television actualmente.

- Advertisement -

DUNA COMENTARIO

Please enter your comment!
Please enter your name here