Home Hudicial Famia Arends-Hoek cuater aña luchando pa e husticia pa Bruce

Famia Arends-Hoek cuater aña luchando pa e husticia pa Bruce

3175
1
SHARE
- Advertisement -

Door di iregularidadnan den e rapport policial:

ORANJESTAD (AAN) – Vianca Arends-Hoek, den un entrevista cu Matutino DIARIO, a duna nos un relato di e rapport policial, relaciona cu accidente fatal cu a sosode dia 26 di Juli 2014, den cual el a perde su yiu homber Bruce Arends, y cu te awe no a haci husticia, pa motibo di e rapport manipula pa polis.

Sra. Arends-Hoek a declara lo siguiente: “Mi ta trece e caso di mi yiu Bruce dilanti  pasobra e agente policial Clyde Orman, cu ta yama su mes experto den trafico, cu ta hinca den e caso di  Zinnia Croes ta esun cu a manipula e rapport di Bruce”. Sra. Arends-Hoek a sigui bisa cu no tin un splicacion detaya di un investigacion.

E dama ta splica: “El a wordo poni ‘en corto’. Ora bo ta habri e investigacion tin hopi punto cu no ta cuadra cu e escena di e accidente tampoco. No tin ni un pregunta haci ningun caminda na ningun hende. Tabata tin diferente camara riba caminda y nan no a bay wak ningun. Nan no a busca informacion cerca e personanan cu tabata cu nan prome cu e accidente, pa haya sa den ki condicion nan tabata y di unda nan a sali prome cu e accidente. Ta preguntanan cu mester a haci pa saca mas informacion afo, door cu tabata tin un morto envolvi den e accidente.

Ademas, tabata tin icejug cu awa cu ice den auto di e mucha muher. Polis no a haci ni un test di alcohol cerca ni un di dos y den e rapport ta skirbi cu no tabata tin uso di alcohol.

Con e por prueba esey?”

 

Iregularidadnan den e rapport:

“Con por ta cu no tin e punto di conflicto den e raport? Con por ta cu bo ta interoga e mucha muher dia 29 di Augustus 2014, bo ta firma y cera e rapport 29 di September 2014, y e mucha muher ta firma su declaracion dia 20 di Februari 2015? Nos tabata cerca Clyde Orman dia 27 di September 2014, bo ta bisa bo no tin nada, bo ta investigando, anto bo a firma dia 29 di September, cera e caso? Y pa e mesun siman ey na cuminzamento di October, Seguro ta haya e rapport final di e accidente y riba dje, nos ta yama Ministerio Publico pa haya informacion di e rapport y OM no sa nada. Nan no a haya ningun rapport. Ministerio Publico a haya e rapport na Mei 2015!

Tambe tin un splicacion di Clyde Orman, di su investigacion, cual ta mas bien su mesun schets cu algo oficial pa un rapport, pasobra e no ta cuadra cu e escena”!

Sra. Arends-Hoek ta agrega cu na December 2014 el a yama OM, el a papia cu sra. Ann Angela, PR di Ministerio Publico, y el a bise cu falta hende pa interoga.

“Con ta posible si e rapport ta cera? Ki sorto di investigacion esaki ta? Kico e experto den trafico a haci? Asina mi a keda yama cada rato, te cu mi mester a pone abogado pa sa algo di e rapport. Na Mey 2015 mi a logra haya e rapport y asina mi a tuma nota di e fechanan. Y tur esaki cu consentimento di Ricardo Muller, como hefe di Departamento di Trafico, y Yolanda Pronk, Fiscal, cu tabata presente na e escena e madruga ey!

Mi ta bay trece full e rapport dilanti pa tur hende wak e rapport su contenido y pa nan mes saca nan conclusion”, Vianca Arends-Hoek. Adhunto nos ta publica e rapport.

- Advertisement -

1 COMMENT

DUNA COMENTARIO

Please enter your comment!
Please enter your name here