Home Hudicial Famianan ta lamenta cu Polis femenino no a haya castigo di prison

Famianan ta lamenta cu Polis femenino no a haya castigo di prison

452
0
SHARE
- Advertisement -

E Polis a ni tribi di bay scucha su sentencia

ORANJESTAD (AAN); Famianan a reacciona despues cu nan a tende sentencia cu Huez a impone contra e agente policial femenino di inicial J.V., kende a wordo acusa di ta coriendo bao influencia y a dal y kita bida di un e mucha Zinnia Croes.

E Polis a wordo sentencia na 240 ora di trabao comunitario, y ta perde su rijbewijs pa 2 aña.

Pa e famia, e mama a indica cu e tabata un satisfaccion unda Hues ta bisa cu e ta haci e Polis femenino culpable di tur esaki, pero mirando cu autoridadnan a tarda y cu monton di eror cometi, Hues no por castige pa e core bao influencia.

Pero e Polis femenino sa cu e anochi ey tabata su fout.  Famia ta lamenta cu e Polis no a ni mustra decencia pa presenta, ni pa bin tuma su sentencia como hende muher para fuertemente den su zapato.

Zinnia a bay, pero famianan awor a bin scucha Hues bisa cla cu nan yiu muher no tabatin culpa den e accident.

Tambe e caso den Corte a demostra, cu e demas agentenan di Polisnan cu a traha e anochi ey di accident, a haci super mal trabao.

E tata di Zinnia si ta kere cu castigo di prison mester a bin.  Na su concepto, deliberadamente autoridad y e demas coleganan a haci todo por todo pa e Polis envolvi no haya castigo di prison.

Hues ta di acuerdo cu e Polis a core malo, y debi na foutnan di Cuerpo Policial, e agente aki awor no ta bay sinta castigo.

- Advertisement -

DUNA COMENTARIO

Please enter your comment!
Please enter your name here