Home arte y espectaculo Fatima College a logra proyecto pa les di Formacion Musical

Fatima College a logra proyecto pa les di Formacion Musical

100
0
SHARE
- Advertisement -

Director Franklin Richardson:

ORANJESTAD (AAN) — Diabierna tabata un dia special pa Fatima College, ya cu despues di un par di luna di trabao, a logra ubica dos trailer, uno chikito y uno grandi den cura di scol.

Franklin Richardson, director di Fatima College a duna di conoce, durante un entrevista cu nos redaccion, e motibo pa esaki.

“E trailer aki lo wordo uza pa formacion musical di muchanan di eerste te cu zesde klas. Ta e intencion pa e klas movible aki bira un klas multifuncional den futuro, unda cu tin momentonan pa musica, obra di man y otronan tambe. Despues di a combersa over di e proyecto cu Sr. Eddie de Veer, di ATCO, el a duna un man pa yuda Fatima College. Asina pa e siguiente aña escolar lo por uza e local na un manera positivo” director di Fatima College a relata.

Sr. Richardson a sigui splica cu e tabata un proceso cu a cuminza for di April, unda cu a manda un carta pa minister di Educacion, splicando e di e plan, cual a wordo acorda door di e minister. E prome intencion tabata pa kibra e cura, pero a dicidi di hisa e trailer cu’n crane pa pas’e over di e cura di scol. Minister a cubri e gastonan die crane y SKOA a cubri e gastonan di transportacion.

“ Tur cos a cuminza bou capa di Voz- i- Landia cu añanan largo a organiza festival pa mucha y den pasado tabata tin contratempo cu sponsor y a stop. Awo e ta sigui y ta bayendo cu bon pia y hunto cu Amado Rosina a cuminza e proyecto e tempo ey, bou ‘Formacion Musical Enseñansa Basico’, caminda cu tur mucha na scol a haya les di Formacion Musical. Maestronan a haya guia di Sr. Amado Rosina pa duna les y awor esaki e ta Fase 3, pa tin e local multifuncional y asina brinda e muchanan e miho. Fase 4 lo ta ora cu tin e grupo chikito di mucha cu ta toca un instrument pa forma e muchanan bou capa di musica” sr. Richardson a expresa.

El a agrega cu tin musica ta duna trankilidad na e muchanan pa cu nan comportacion. “Si bo tin musica den rooster of gym, e ta yuda e mucha yega na trankiliza su mes. E mucha ta bin cu su preocupacion di mes. Scol ta nan di dos cas y nan mester sa con pa deal cu esaki. Y esaki ta loke Fatima College/Fundacion Voz – i – Landia Escolar ta ofrece”, sr. Richardson a conclui.

- Advertisement -

DUNA COMENTARIO

Please enter your comment!
Please enter your name here