Home Actividad Especial Futuro empresarionan lo presenta nan productonan durante e evento final di G4N

Futuro empresarionan lo presenta nan productonan durante e evento final di G4N

18
0
SHARE
- Advertisement -

Diasabra awor na Plaza Daniel Leo

ORANJESTAD  (AAN): Good 4 the Neighborhood 2018 di Aruba Bank a drenta den su ultimo siman. E siman aki e participantenan un biaha mas a ricibi diferente sesion di tayer y lectura cu nan por uza den nan presentacion final. Pa 3 siman largo e participantenan tabata prepara nan mes pa mustra tur loke nan a siña diasabra awo durante e evento final.

Diasabra durante e evento final di G4N lo tin 8 team presentando e productonan cu nan a crea. E teamnan lo ta splicando con nan a yega na e concepto di nan producto y lo ta haciendo uzo di tur informacion ricibi durante 3 siman largo. E teamnan di G4N ta:

– Ceana su producto ta body scrub, Lip Balm y habon organico;

Cakery tin e producto di cupcakes di diferente sabor, cheesecake y fruit punch;

Natural Sweet lo presenta e producto di protein balls y granola bars cu ta chewy y crunchy;

T-Shirt Stylin lo tin nan producto t-shirt “customized” cu bleach y inks;

Crathings su producto ta stoelnan “customized” di materialnan recicla;

Fusion Snacks lo tin nan producto cu ta homemade spaghetti taco y sushi wrap;

Sunshine Jewelry lo presenta nan handmade bracelets, earrings, necklaces and flower crowns;

Arubulb lo presenta nan handmade customized bulbs, decora y recicla. Esaki lo ta “customized” pa henter e temporada.

Diasabra awo dia 28 di Juli e teamnan di participante lo duna un presentacion di kico tur nan a siña durante e 3 siman di G4N 2018. Esaki lo tuma luga na Plaza Daniel Leo cuminsando desde 10’or di mainta te cu 4or di atardi. Pa 3’or di atardi nos lo anuncia e ganadonan di Good4TheNeighborhood Building Entrepreneurs 2. Aruba Bank ta invita henter e comunidad di Aruba pa pasa Plaza Daniel Leo y sostene tur nos Young Entrepreneurs.

- Advertisement -

DUNA COMENTARIO

Please enter your comment!
Please enter your name here