Home Gobierno Gobierno a amplia areanan protegi pa 17 y tambe ta introduciendo di...

Gobierno a amplia areanan protegi pa 17 y tambe ta introduciendo di Parke Marino

57
0
SHARE
- Advertisement -

Rond di Casibari a bira area protegi

ORANJESTAD   (AAN):  Manera cu a bay ta anuncia durante e ultimo lunanan, Ministerio di Infrastructura y Medio Ambiente ta encaminando e proceso pa introduccion di un Parke Marino y ampliacion di e 16 areanan protegi pa cual mester anuncia cu a amplia esaki aworaki cu un di 17 area, den Paradera.

E area specifico ta rond di Casibari caminda cu tin un poblacion bastante ‘cera’ cu hopi cas, y unda cu ta sinti cu tin e necesidad pa por logra proteha areanan natural den e becindario.

A yega na un acuerdo cu Casibari Scouting cu nan lo muda riba e area aki y lo percura pa conserva y mantene e area. Pa locual ta e procesonan pa introduccion di Parke Marino, dialuna a tene un prome encuentro cu Centro di Pesca Hadicurari considerando e hecho cu Gobierno ta bay ehecuta e Parke Marino.

Den e siguiente simannan nos dilanti lo tin reunion cu otro centronan y organisacionnan relevante pa dialoga tocante e reglanan y leynan cu lo mester wordo implenta unabes cu institui e Parke Marino.

Manera cu tambe a bay ta treci dilanti,  durante di e ultimo lunanan a hiba combersacionnan pa mira bou cua organisacion e Parke Marino lo bay resorta.

Na cierto momento despues di tabata pensa pa por pone un fundacion individual, tambe a pensa pa pone e Parke Marino bou di bestuur di Parke (cu na e momentonan aki ta uno transitorio), sinembargo mester bisa cu na augustus lo figa e constelacion definitivo pa e parke.

Un di e peticionnan cu Gobierno tabatin ta, cu e ta bira un bestuur tipo ‘two-tier’ cual ta significa cu bo tin un ‘toezicht orgaan’ enbes di un bestuur cu ta ‘uitvoerend’. Mirando cu casi 20% di tereno di Pais Aruba ya caba ta hinca den Parke Arikok, hunto cu fondonan cu ta yega casi 3 miyon florin di pueblo di Aruba cu ta bay pa e parke aki a scoge pa un 2 tier caminda cu lo tin un organo di supervision cu ta esun cu ta dirigi esaki.

Tambe a tuma e decision cu e Parke Marino y e areanan protegi lo cay bou di e mesun fundacion aki. E ta scapa hopi fondonan cu lo mester bay den caso cu haci esaki separa for di otro y ta pensa cu uno por sostene e otro tambe. Cada uno lo tin nan mesun directiva pero lo tin un bestuur cu ta supervisa tur actividad cu tin.

Minister Oduber a splica cu e reunion cu Centro di Pesca Hadicurari su miembronan a bay hopi habri y den un bon ambiente.

‘Como ex minister encarga cu sector primario pa 7 aña, mi tin comprension hopi grandi pa piscadonan. Mi a biba hopi di cerca cu nan y mi a haci hopi trabou hunto manera e centro di pesca, pier, creacion di incentiva entre otro. Combersacionnan ta cana man den man pa locual ta e creacion di e Parke Marino cu ta den su prome fase cual ta esun legislativo cu ta tumando lugar y ta na Raad van Advies actualmente. Ta spera cu pa final di augustus e Parke ta wordo institui y cu eora e fase principal di e trabou lo tuma luga caminda cu lo envolvi tur piscadonan di otro centronan/ranchonan akinan na Aruba den e proceso tambe.

Lo sinta y scucha nan, pa conhuntamente pone reglanan y leynan cu ta bay rigi e parkenan aki. For di nan lo mester scucha cua ta e animalnan den lama cu nos lo kier protega y no kier pa mishi cu ne, otro animalnan cu por pisca den cierto periodonan di aña y otronan cu tin abundancia di nan lo permiti cu por pisca esakinan henter aña. Asina lo implementa regla a base di e conocemento cu tin di entre otro piscadonan, esnan cu ta practica deporte acuatico of cualkier usuario di e area.

A compromete cu no lo inicia e fase aki sin sinta combersa, scucha nan y inventarisa e pensamentonan cu a biba cerca nos piscadonan rond Aruba, pa eora yega na un ‘beheersplan’ cu por uza pa e Parke Marino aki.

- Advertisement -

DUNA COMENTARIO

Please enter your comment!
Please enter your name here