Home Economia Gobierno a dicidi cu negoshinan awor por keda habri te 12’or di...

Gobierno a dicidi cu negoshinan awor por keda habri te 12’or di madruga

2284
0
SHARE
— Por habri awor te laat sin pidi dispensacion special.
- Advertisement -

ORANJESTAD (AAN): Gobierno kier stimula economia, y a dicidi na bin cu un cambio riba loke semper tabata e ‘baranca’ den caminda pa stroba comerciantenan riba e isla aki.  Pues e horarionan hopi limita.

E siman aki, Departamento di Asuntonan Economico, Comercio y Industria ta revela cu den cuadro di e maneho di Gobierno aki, ta necesario pa trece cambio den e maneho di horarionan den cual ta permiti pa un negoshi ta habri, den cuadro di e “Landsverordening Winkelsluiting”.

Pesey mes, Ministro a suspende e rekesito pa un dispensacion pa cu e oranan di operacion di un negoshi!

Desde Dialuna 9 di Juli 2018, un dispensacion lo no ta necesario mas pa un negoshi por keda habri pa publico fuera di horarionan normal di operacion.

REGLAMENTO NOBO:

Horarionan cu un negoshi ta permiti pa ta habri na publico ta como lo siguiente:

(1) Dialuna pa Diasabra di 6:00 am (mainta) te cu 12:00 am (anochi).

(2) Diadomingo y Dianan di Fiesta di 9:00 am (mainta) te cu 10:00 pm (anochi).

(3) Dia di Labor lo NO permiti pa un negoshi ta habri pa publico.

DIARIO ta sospecha, cu e promenan cu lo bay haci uso di esaki ta e Supermercadonan di cual hopi ta cera 9:00 pm.  Awor nan por sigui te 12:00 am.  Tambe negoshinan cu ta ofrece servicio di Photocopy, y demas servicio cu antes tabata cera ya caba pa 9:00 pm, lo por keda habri awor te 12’or di mey anochi.

- Advertisement -

DUNA COMENTARIO

Please enter your comment!
Please enter your name here