Home Comercio Gobierno a exonera Banconan di BBO/BAZV/BAVP

Gobierno a exonera Banconan di BBO/BAZV/BAVP

253
0
SHARE
- Advertisement -

Segun Endy Croes di MEP

ORANJESTAD (AAN): Parlamentario Endy Croes a splica cu Minister di Finanzas hunto cu Conseho di Ministro diabierna ultimo a tuma un decision mediante un decreto ministerial pa exonera e banconan di BBO/BAZV y BAVP riba cierto servicionan.

Despues cu a yega na un acuerdo cu Asociacion di Banco, gobierno na un manera responsabel a cumpli cu e palabracion. Normalmente Banco ta cobra un suma (fee) riba por ehempel online banking, pago riba tarheta debito y credito y aki Banco ta genera placa. Riba e entrada aki cu Banco ta genera Banco lo mester a paga BBO (1.5%), BAZV (3.0%) y BAVP (1.5%) esta como Bedrijfsomzet.

Pueblo por ta trankil:

Despues di a reuni y intercambia di idea a yega na un decision cu lo exonera Banco di e cobransanan aki. Pues Banco lo no mester factura e 6% aki na e cliente esta na pueblo, pasobra awor Banco a keda exonera riba e servicionan aki. Cada Banco tin e deber di splica na su clientela kico exactamente nan ta cobra pa cada servicio.

Pueblo desde awor por ta trankil cu riba e servicionan ariba menciona no lo worde cobra adicionalmente e parti cu lo mester a toca na gobierno. Pa kita tur duda nos no ta papia di transaction tax manera nos opositornan kier a pretende ultimo dianan den prensa pa desequilibra pueblo. Alcontrario AVP si tabata tin den su Plan pa bin cu un Transaction Tax unda riba cada transaccion cu Bo haci sin importa cual transaccion nan a cobra pueblo.

Esaki tabata den nan plan pa yega na fondo pa paga e proyectonan PPP. Esaki sigur a crea un desaster riba desaster. Pa ilustra esaki nos ta publica awe parti di e Memorie van Toelichting den e Ley di presupuesto 2015 di AVP firma pa the man himself cu a destrui Aruba, esta Mike Eman. Esaki ta pa mustra pueblo cu politiconan di AVP no ta sincero. Awe nan kier “twist” palabra y actonan di e gobernacion aki siendo nan tabata tin un Plan macabro pa caba cu e comunidad aki y haci cada ciudadano 100% dependiente di un minister y/of un gobierno.

Cobra na un solo punto:

Locual ta trata seguro tambe tabata asina cu e broker lo mester a cuminsa cobra e taxnan y e compania madre tambe a cobr’e un biaha mas. Den mesun decreto ministerial a percura pa exonera esaki y tur tax lo worde cobra solamente na un punto y pues un solo biaha y sigur no na dos punto.

Gobierno aunke a hereda un “monster” di un Mega Debe y un “Desaster Financiero” ta haciendo lo maximo posibel pa pasa den e momentonan di mas dificil den historia di nos pais Aruba sin mester causa e pueblo tanto dolor. Den tur e disturbio torencial aki causa pa Mike Eman y AVP kendenan a grita cu nan ta orguyoso di e debe y e debe t’ey pa nos tur bay pag’e, Minister Presidente actual y henter un Team  ta trahando fuertemente riba un modelo di un sistema di belasting mas husto cu miras pa logra esaki na inicio di 2019 pa asina mitiga e dolor cu Mike Eman y AVP a causa na nos pais. Cu Fe y speranza nos lo percura pa saca Aruba for di e abismo aki, Endy Croes ta termina bisando.

- Advertisement -

DUNA COMENTARIO

Please enter your comment!
Please enter your name here