Home Gobierno Gobierno a postpone plan pa cobra pa recogemento di sushi

Gobierno a postpone plan pa cobra pa recogemento di sushi

94
0
SHARE
- Advertisement -

Prome Minister a anuncia:

ORANJESTAD (AAN) – Diahuebs mainta a tuma lugar e conferencia di prensa di Gobierno, cu participacion di Minister Presidente sra. mr. Evelyn Wever-Croes y Minister di Husticia, mr. Andin Bikker.

Prome Minister a referi na e tema di reunionnan di Parlamento tocante gastonan di personal, e bishita di Secretario di Estado sr. Raymond Knops, y tambe e fondonan di FDA.

Fuera di e temanan aki Prome Minister a cuminza pa haci un anuncio tocante e tema tan discuti den comunidad y cu tin sindicato SEPPA y trahadornan di Serlimar mes, preocupa, cu ta e plan pa cobra pa recogemento di sushi domestico y maneho di desperdicio en general, cu kier a wordo introduci pa Minister Otmar Oduber for di entrante 1 di Juli.

Conseho di Minister, e dignatario a duna di conoce, a dicidi despues cu e plan di maneho pa recogemento di sushi a keda anuncia y cual lo mester a drenta na vigor entrante 1 di Juli awor, a wordo postpone pa 1 di Januari 2019, pa bin cu un fase transitorio.

Contestando un pregunta di prensa riba e tema aki, aunke e dignatario a keda hopi na e margen di dje, a indica cu Conseho di Minister a bay di acuerdo cu un plan pa cobramento di recogemento y procesamento di sushi, locual a tuma lugar siman pasa, pero a reitera cu Conseho di Minister ayera mes, a bay di acuerdo pa postpone esaki, y cu entrante 1 di Juli no ta bay cobra sino entrante Januari.

Ora puntre si lo tin bahamento di tarifa y na unda e discusion lo bay sinta, e dignatario a sugeri pa mihor puntra Minister di Infrastructura y Desaroyo di Medio Ambiente.

- Advertisement -

DUNA COMENTARIO

Please enter your comment!
Please enter your name here