Home Enseñanza Gobierno buscando un solucion creativo pa financia drechamento di varios scol

Gobierno buscando un solucion creativo pa financia drechamento di varios scol

9
0
SHARE
- Advertisement -

ORANJESTAD (AAN)— Den conferencia di prensa di gobierno, Minister di Enseñanza sr. Rudy Lampe, a wordo puntra si lo tin inversion pa drechamento di e scolnan cu ainda ta wardando riba renovacion y mantenimento di edificio.

E dignatario a indica cu tin diferente proyecto cu ta bay keda realiza den e periodo aki, pa probecha cu ta vacacion, y tambe tin algun proyecto chikito y otronan mas grandi, cu ta na punto pa cuminza.

E mandatario a invita prensa pa e momento cu esakinan start ta na e lugar na unda ta bay realiza e trabaonan aki.

A puntra tambe specificamente con ta para cu Reina Beatrix School cu pa basta aña no tin movecion pa loke ta trata renovacion di e scol.

E mandatario a indica cu tin diferente scol cu pa añanan largo ta para cera, manera Bonifacius College, Juliana School, Imelda Kleuterschol, ex Tarcisius Scol (banda di Elmar), y Reina Beatrix entre otro.

E scolnan aki pa basta aña ta cera y mas aña nan keda asina mas atras nan ta bay. Esey ta sumamente lamentable y tur ta riba lista pa gobierno duna nan e debido atencion, y nan ta studiando e diferente casonan aki y e mihor forma pa yega na financiamento, ya cu e situacion financiero di nos pais no ta permiti, for di e presupuesto, haci e inversion mesora.

Gobierno mester ta creativo pa busca e inversionnan necesario. E mandatario ta pidi pueblo pa duna nan un tiki mas di tempo pa busca un solucion un tiki mas creativo pa scolnan menciona wordo drecha.

- Advertisement -

DUNA COMENTARIO

Please enter your comment!
Please enter your name here