Home Gobierno Gobierno di Aruba no ta di acuerdo cu expresionnan di Minister Stef...

Gobierno di Aruba no ta di acuerdo cu expresionnan di Minister Stef Blok

84
0
SHARE
Official Escudo Aruba
- Advertisement -

Prome Minister Evelyn Wever-Croes:

ORANJESTAD (AAN): Recientemente a sali un publicacion controversial di Minister di Asuntonan di Exterior di Hulanda Minister Stef Blok na unda cu el a expresa su opinion cu un sociedad multicultural exitoso no ta existi pero lo ta un fracaso y cu un sociedad multicultural lo no biba den pas y harmonia cu otro.

Gobierno di Aruba enfaticamente ta contra di e expresionnan y opinion di Minister Blok. Aruba ta un sociedad multicultural cu a mantene nos identidad y harmonia respetando y bibando bon cu otro. Union semper tabata e motor pa trece harmonia y logra bienestar pa un y tur cu ta biba riba nos isla.

Prome Minister Evelyn Wever-Croes a expresa: “Gobierno di Aruba no ta comparti e expresionnan di Minister Blok, cuanan ta implica un suposicion negativo pa loke ta trata un sociedad multicultural.

E expresionnan aki no ta representa e realidad den e parti Caribense di Reino y tampoco ta representa e realidad den e experiencianan di conciudadanonan di Aruba bibando na Hulanda. Aruba y Reino ta un sociedad multicultural, y esey ta nos forsa”.

- Advertisement -

DUNA COMENTARIO

Please enter your comment!
Please enter your name here