Home Gobierno Gobierno tin Prome Minister y su gabinete pero un solo Doño...

Gobierno tin Prome Minister y su gabinete pero un solo Doño di gobierno

84
0
SHARE
- Advertisement -

Parlamentario Arthur Dowers

ORANJESTAD (AAN): No solamente pueblo di Aruba a cera conoci cu e mentalidad politico di minister Oduber, pero tanto henter gabinete Wever Croes como fraccion di MEP den parlamento, a worde yama na ordo den ultimo dianan, ora cu e minister aki a bisa den forma cla: “ami ta manda.”

Diabierna atardi pa di tantisimo bes, e minister aki cu solamente dos asiento den e gobierno actual, a demostra su poder total riba un partido cu tin 9 asineto pero cu no tin boluntad ni e curashi di para e minister aki cu a mustra bon cla, cu sponsornan y amigo ta bin na prome luga y pueblo simplemente nunca.

Hunto cu e euforia causa pa e participacion di minister di economia cu prijs di gasolin ta subi for di diadomingo cu 9.7 cen, e minister aki a percura pa otro golpi baho contra pueblo anunciando su medida dictatorial ora cu el a dicidi cu pueblo tin cu bay paga pa recogemento di sushi.

Parlamentario Arthur Dowers di fraccion di AVP ta mustra cu esaki no ta ningun sorpresa pa esunnan cu a yega di traha cune caba, ya cu ta un persona cu cueste loke cueste kier haci y deshaci manera cu e kier.

“Claramente tur hende por a ripara cu e decision di  minister Oduber a co’i hasta e fraccion mas grandi cu ta sostene gobierno, di cabes abou ya cu mesora algun ora despues, a dirigi un carta pa haya claridad y splicacion riba e decision di e minister.

Un decision cu no ta cuadra cu presupuesto cu e mesun fraccion aki a sostene y den cual tin presupuesto placa pa Serlimar pa recogemento di sushi y como tal nan ta sorprendi di e decision aki cu e minister a tuma sin cu nan tabata na altura di e medida drastico aki.

Loke ta confirma e poder cu e minister di dos asiento aki tin riba e coalicion actual ta e participacion cu el a duna como splicacion na fraccion geel, cu esaki ta den acuerdo di gobernacion  pero sin splica ta di con gobierno tin recogemento di sushi presupuesto y awor ta dicidi di impone cobransa extra riba pueblo desde prome di juli 2018.

No ta prome gesto di poder esaki tabata di e minister aki, ya cu algun siman prome tambe su decision di muda Serlimar pa Pos Chikito a sorprende diferente miembro di e gobierno actual pero aki tambe tur hende a dicidi di keda keto y algun hasta e permiti nan mes di bay over na sostene e decision aki, pa asina e partido geel por keda den gobierno.

No ta por nada e impresion ta sigui crece cu e coalicion actual di MEP-POR-RED ta conta cu dos Prome Minister, uno pa haci bunita pa su gobierno y e hefe mes cu ta dicidi riba tur cos y a haci loke cu e kier y ora cu e kier, cu solamente dos asiento cu el a logra.

Ya for di inicio el a pone e lider di MEP y actual prome minister bou di presion, insistiendo cu e no kier pa reduci e cantidad di minister pa shete manera cu Evelyne Wever Croes a priminti durante di campaña, ya cu su partido kier dos minister sino no tin gobierno.

Eynan a habri porta pa e dominio di un partido chikito riba un partido grandi ya cu di otro forma lo no tin gobierno y e poder aki minister Oduber ta sigui uza na su bentaha ya cu tin demasiado minister den e coalicion actual, cu kier ta minister mas cu tur cos, sin tuma interes di pueblo na serio,” Parlamentario Arthur Dowers a declara.

- Advertisement -

DUNA COMENTARIO

Please enter your comment!
Please enter your name here