Home Enseñanza Gobierno y Insure to Study a termina nan contrato ireversiblemente

Gobierno y Insure to Study a termina nan contrato ireversiblemente

80
0
SHARE
- Advertisement -

Minister di Enseñanza a splica:

ORANJESTAD (AAN) — Minister di Enseñanza y Desaroyo Sostenible, Rudy Lampe, a informa den conferencia di prensa cu dia 30 di Januari 2018, su persona hunto cu Minister di Finanzas, a notifica e compania “Insure to Study”, cu Gobierno ta termina e acuerdo cu, mutuamente, nan tin desde 1 di Januari 2009.

Esaki ta nifica cu Pais Aruba no tin ningun obligacion mas cu “Insure to Study”. E decision aki ta final y e ta keda vigente.

E mandatario a declara cu a tarda basta luna prome cu a haya reaccion di Insure to Study, encuanto e decision di gobierno. Esaki a yega te na Maart ultimo. Y un bez cu e reaccion a drenta a keda estable cu no tin relacion mutuo mas entre gobierno y e compania for di entrante 1 Januari’19.

Minister Lampe a indica cu pa e periodo di transicion aki, pa e grupo di studiantenan cu ta bay sigui nan estudio na Hulanda, na fin di Maart a dicidi pa habri un destaho publico, pa yega na un contrato colectivo pa e grupo di studiantenan aki.

E destaho publico lugar na Mei ultimo, y cinco compania a inscribi. Tur cinco a busca e bestek tambe, entre nan e mesun compania “Insure to Study”.

Ora di habri e bidding a resulta cu un compania so a presenta un oferta cu ta precisamente Insure to Study.

E mandatario a subraya cu su persona como minister, no por mete den ofertanan comercial, y esaki a bay corectamente, independiente su ministerio, y tabata tin diferente firma di esnan cu a participa den e destaho.

El a menciona cu prueba, pakico e otro companianan finalmente no a participa. Via e email pa gobierno nan ta bisa kico ta nan condicion; nan tabata kier un seguro colectivo pa e studiantenan y a indica cu si no, pa solamente pa algun luna, e nan e no tabata lucrativo.

E otro companianan a indica cu pa nan tabata lucrativo si tur studiante Arubiano na Hulanda lo tabata den e oferta di seguro y si pa tur e añanan venidero nan lo keda den e seguro colectivo.

Kiermen, cu pa algun luna y pa un grupo chikito di studiantenan, e 200 y pico cu lo bay Hulanda e aña aki e no ta “business” pa nan.

Segun ta stipula den e destaho publico, e suma cu studiantenan tin cu paga ta keda den 54.50 euro pa luna cu ta bira  272.50 euro pa e e cinco lunanan y e ta wordo desconta for di nan prome pago di Arubalening. For di entrante 1 di Januari 2019 e studiantenan mes mester paga nan seguro for di nan termino di pago.

Minister Lampe a splica kico esaki ta bay nifica pa e studiantenan cu lo subi avion, ta cu tur studiante cu ta subi avion pa bay Hulanda na Augustus proximo, ta sigura durante e prome cinco lunanan, pues for di 1 di Augustus 2018 te cu 31 di December 2018 y desde 1 di Januari 2019 nan mes por scoge nan pakete di seguro di nan gusto y e compania cu nan desea, mescos cu e studiantenan cu ta bay studia na otro paisnan.

E destaho publico aki a keda publica via corantnan local, e website di departamento di enseñanza, e website di Arubahuis na Hulanda.

E mandatario a señala cu por lesa tur informacion via: www.arubastudent.com/nl/

- Advertisement -

DUNA COMENTARIO

Please enter your comment!
Please enter your name here