Home Actividad Especial Gran fiesta bailable pa recauda fondo pa e etapa final di renovacion...

Gran fiesta bailable pa recauda fondo pa e etapa final di renovacion Misa Birgen di Fatima

22
0
SHARE
- Advertisement -

ORANJESTAD (AAN) – Recientemente Pastor Daniel Szpila, hunto cu algun parokiano sirbido di Misa, a tene un conferencia di prensa, den cual a informa tocante e fiesta bailable cu ta bay wordo organiza, pa recauda fondo pa termina e etapa final di e proyecto di renovacion di Misa Birgen di Fatima, na Dakota.

Na prome lugar, Sra. Vanessa Croes a hiba palabra, Coordinador di e siguiente evento pa recauda fondo pa Parokia Birgen di Fatima, cual ta consisti den un tremendo anochi di baile, pa asina acumula e recursonan financiero necesario pa conclui e proyecto.

Den e grandioso anochi di baile aki, sra. Croes a expresa, e gigantenan den musica Infusion, T-Sunami, Delicious, y Robert cu su Solo Banda Show lo debati en un anochi di ambiente y musica.

E anochi aki ta titula “It’s all about the music” y ta un anochi unda un y tur lo experiencia pa medio di gozo, baile y ambiente, e talentonan musical cu nos personanan na Aruba tin.

E evento aki lo tuma lugar dia 13 di October proximo, den Renaissance Convention Center cuminzando pa 9 or di anochi. Hunto cu e bandanan tambe tin dos reconocido DJ. Tin prijs di entrada.

- Advertisement -

DUNA COMENTARIO

Please enter your comment!
Please enter your name here