Home Actividad Especial Harold Rasmijn, Empleado di aña 2018 di Caribbean Hotel & Tourism Association

Harold Rasmijn, Empleado di aña 2018 di Caribbean Hotel & Tourism Association

31
0
SHARE
- Advertisement -

ORANJESTAD(AAN)— Harold Rasmijn ta empleado di Manchebo Beach Resort & Spa y ganado di Aruba Hotel & Tourism Association Excellence Awards 2017 den e categoria di “Employee of the Year”.

Na cuminsamento di 2018, AHATA den cooperacion cu Manchebo a nomina Harold pa competi den e Caribbean Hotel & Tourism Association Awards den Category di “Employee of the year 2018”. Harold Rasmijn a ricibi invitacion pa bay Miami pa atende e awards ceremony organisa door di CHTA y a keda sumamente contento di a gana e reconocimento awo di full Caribe manera “ Employee of the Year 2018 di full Caribe! E logro aki ta yena di orguyo na full e team di Manchebo y tambe nos henter industria di turismo. Un biaha mas, masha pabien Harold pa bo logronan y pa tene e nomber di Aruba na halto!

Harold Rasmijn ta trahando cu Manchebo Beach Resort & Spa pa mas di 15 aña y den industria hotelero mas cu 30 aña, cual a cuminsa cu su careda den restaurant mas di 30 aña pasa na Talk of the Town y tabata bou guia di e legendario hotelero Ike Cohen. Edgar Roelofs, General Manager, ta orguyoso di Harold Rasmijn, kende ta un campeon den su trabou. Den su trabou el a cuminsa como busboy crece pa assistent di waiter, waiter y capitan. E bishitantenan ta ricibi un bon trato di Harold Rasmijn, pero tambe su coleganan.

Na aña 1992 el a sali empleado di aña na Talk of the Town, na 2007 el a keda na di dos luga di Manchebo Beach Resort & Spa, a gana e “2016 Employee of the Year Award di Manchebo Beach Resort & Spa en general. Aña pasa Harold Rasmijn a gana empleado di aña 2017 di AHATA y e aña aki empleado di aña di Caribe. Manchebo Beach Resort & Spa ta orguyoso cu Harold Rasmijn a gana e premio aki y pa Aruba tambe, unda e tabata nomina entre mas di 20 mil empleado den turismo di Caribe y e ta un bon ehempel pa tur hende cu ta traha den industria di hospitalidad di Aruba.

Harold Rasmijn nunca a spera di a bin cu e premio aki cu ta algo unico y grandi pa Aruba. E ta bay haci 35 aña trahando den turismo y un conseho na e muchanan hoben ta cu den turismo tin hopi di haci, pa semper ta cordial, polite y semper bay extra miya pasobra semper tin hende ta mira kico tur e empleado ta haci.

 

- Advertisement -

DUNA COMENTARIO

Please enter your comment!
Please enter your name here