Home Gobierno Henter comunidad ta cuminza paga tarifanan social pa servicio di SERLIMAR

Henter comunidad ta cuminza paga tarifanan social pa servicio di SERLIMAR

157
0
SHARE
- Advertisement -

Minister Otmar Oduber:

ORANJESTAD (AAN) – Minister Otmar Oduber, Titular di Infrastructura y Desaroyo di Medio Ambiente, a tene un conferencia di prensa Diabierna mainta, pa elabora riba e tarifanan nobo cu, obligatoriamente, henter comunidad mester bay paga pa sostene SERLIMAR.

Manera ta conoci e tarifa actual ta defini na 27.50 florin incluyendo BBO y el a conta asina pa tur hende, y riba esaki e sindicatonan tabata tin nan opinion, segun e dignatario a trece dilanti den e rueda di prensa.

E mandatario a indica cu e sindicatonan na cierto momento a expresa na un forma hopi fuerte y habri for di algun aña atras caba, cu nan no ta di acuerdo cu e tarifa unda esnan cu menos entrada den nos comunidad, tin cu carga e mesun peso cu esnan cu tin un schouder mas hancho den nos comunidad.

E mandatario a subraya cu a base di esaki y di e pensamento di gobierno y di su ministerio a bay di acuerdo cu e tarifa aki mester ta socializa, pasobra esnan cu tin mas entrada, dependiendo di e cantidad di personanan cu ta biba den e cas, naturalmente ta produci mas sushi pasobra mas cos bo cumpra pa e famia na dado momento ta bira desperdicio, segun Minister Otmar Oduber.

Minister Oduber a señala cu ta conoci cu Serlimar, actualmente, su presupuesto na e momentonan aki rond di 23 mil florin pa aña, y gobierno a carga e gran mayoria di e gastonan aki.

Den e proceso cu Serlimar ta canando aworaki pa sigui mehora e servicio di e compania aki, e tarifa ta encera no solamente recogemento di sushi pero tambe maneho di e desperdicionan aki.

Minister Oduber a agrega cu nan a sinta na mesa cu e sindicatonan cu tabata tin e critica, of e posicion cu mester socializa e tarifanan, y despues di cinco pa seis reunion cu nan a tene, di bay bin negocia y discuti, a yega na e tarifa mas social posible pa esnan cu realmente tin e necesidad di dje, y esnan cu mas por carga esaki por yuda den loke ta trata e costonan cu Serlimar mester yega na dje.

Minister di Infrastructura a declara tambe, cu gobierno ta esun cu ta fiha e prijs, y esey ta e motibo pa cual gobierno a combersa directamente cu e sindicatonan y no Serlimar.

E dignatario a subraya cu gobierno a notifica tanto e management team di Serlimar como tambe su raad van toezicht tocante e acuerdo cu el a yega na dje, y e trahadornan di Serlimar y e sindicato cu ta sostene nan, ta contento cu poco, poco ta yega na e punto aki unda por a anuncia e tarifanan nobo cu lo drenta na vigor for di entrante 1 di Juli (mañan).

E mandatario a agrega cu tambe a yega na e decision cu lo no bay bek na cobra e ultimo añanan aki na esnan cu no a cumpli cu e pago di tarifa cu mester a wordo haci.

Minister Oduber a subraya cu for di aña 2014 e pago aki a drenta na vigor cu e suma fiha pa gobierno anterior cu e mandatario a menciona prome.

E dignatario a señala cu no tin nada di haber ta cual partido of gobierno di cual signature a introduci e tarifa pasobra na final di dia nan tur tabata di acuerdo cu mester a introduci un ley of fiha un tarifa.

E mandatario a gradici CIAD y su departamento cu ta envolvi den e cifranan, pa motibo cu un bez cu e tarifanan concerni a wordo fiha, e maneho ta bira mescos cu erfpacht, unda cu DIP ta saca e recibonan, atravez di Servicio di Impuesto ta bay haci e cobranzanan pa e pago di Serlimar cu comunidad di Aruba lo mester bay haci.

Minister di Infrastructura a señala cu e discusion aki a bay na un forma transparente, y dia 21 di Juni e tarifanan aki a keda fiha, y el a gradici tambe e sindicatonan, entre otro FTA, tabata na e cuna di e posicion aki.

- Advertisement -

DUNA COMENTARIO

Please enter your comment!
Please enter your name here