Home Hudicial Hof a pospone caso di tiramento

Hof a pospone caso di tiramento

133
0
SHARE
- Advertisement -

Abogado kier pa scucha dos testigo

ORANJESTAD (AAN) – E homber J.H. yama (steroid), kende na Maart 2018 a wordo condena na 8 aña di prison pa tiramento, a apela e sentencia. Ta asina cu e caso a bin dilanti pro forma. E acusacionnan cu Procurador General a presenta contra J.H. ta cu riba 14 Februari 2017, el a purba mata e hombernan B.A., caminda e lo a tira riba un auto. Ademas e ta wordo acusa di posecion di arma. Procurador General (PG) a bisa cu e caso ta pro forma.

 

ABOGADO KIER SCUCHA TESTIGO

Abogado mr. Rozenstand a pidi Hof pa instrui PG pa check di kende e scooter ta. Tambe e abogado a bisa Hof cu e kier scucha dos testigo. E abogado a sigui bisa cu e por a compronde cu e tiramento riba J.H. mes tabata na December 2017 y no loke e otro acusado F. ta bisa. E abogado a sigui bisa Hof cu parce cu na Januari 2017 tambe tabatin tiramento. PG a bisa cu e no tin nada contra pa scucha e testigonan.

Hof a bisa cu lo pospone e caso pa October 2018 y lo manda e caso pa Hues Comisario, pa asina por scucha e testigonan cu mr. Rozenstand a pidi.

 

CULPABEL DI INTENTO MATA

Na Maart 2018 ora di tratamento di e caso contra J.H., Fiscal a mustra cu chofer di e auto den cual e scooter a dal, a bisa cu despues di e accidente e motiociclista a lanta y core drenta mondi y un auto cu tabata sigui su tras a los tres tiro.

Segun Fiscal, investigacion ta mustra cu a tira riba e auto Toyota y tabatin diferente impacto di bala. A haya huls di balanan riba caya. Tambe a haya balanan y un peña. Investigacion ta mustra cu aunke cu e balanan tabata di diferente caliber, nan por wordo tira cu e mesun arma.

Instituto Forence di Hulanda (NFI) a haci investigacion caminda e homber B.A. a wordo haya culpable pa intento di mata J.H. y a wordo condena na 7 aña di prison. E lo a tira riba e scooter. Fiscal a mustra cu Recherche a papia cu mama di J.H. kende a bisa cu su yiu a wordo tira pero e yiu no kier bay hospital. Riba cel di e homber A.F. a haya mensahenan cu ta mustra cu J.H. “steroid” a wordo tira. El a hasta manda potret. Tambe A.F. lo a mustra cu ta “steroid” a bay tira riba A. y P. A surgi un persecusion y A. a tira J.H. y J.H. no kier bay hospital.

Na opinion di Fiscal, a base di investigacion di NFI y declaracion di testigonan por conclui cu ta J.H. a tira riba e auto y despues a wordo tira. Fiscal ta considera esaki un intento di asesinato. El a mustra cu e castigo maximo pa esaki ta 20 aña. Fiscal ta haya cu J.H.(22) a haci su mes culpable di un caso hopi serio y den Corte e no kier responsabiliza su mes siendo cu tin diferente prueba contra dje. El a exigi 10 aña di prison, kitando e tempo cu J.H. ta sera den KIA.

Despues di algun siman Hues a dicta sentencia caminda el a bisa cu e ta haya legalmente proba cu J.H. riba 14 Februari 2017, ta culpable di intento asesinato y posecion di arma. Fiscal a exigi 10 aña di prison. Hues a mustra cu tin raport di NFI cu muestra DNA, declaracion di testigonan, mensahenan di whatsapp cu ta mustra cu ta J.H. ta esun cu a tira. Hues a condena J.H. na 8 aña di prison kitando e tempo cu e ta sera caba den KIA.

Na October 2018, Hof lo bay trata e caso di nobo y lo bay scucha e ora kico PG ta bay exigi.

- Advertisement -

DUNA COMENTARIO

Please enter your comment!
Please enter your name here