Home Policial Homber a wordo sorprendi dilanti Neptaly Park den actitud sospechoso

Homber a wordo sorprendi dilanti Neptaly Park den actitud sospechoso

280
0
SHARE
- Advertisement -

Lisette Gomez cu voz di alerta:

ORANJESTAD (AAN) — Lisette Gomes di Fundacion Lisette Gomes, a elabora, den encuentro cu prensa, tocante un situacion fastioso cu a sosode diabierna ultimo den Neptaly Park.

Locual a sosode ta cu un persona canando den e area, a nota un hende homber sospechoso den un Toyota Yaris color blanco. El a confirma cu e homber tabata masturbando den e auto cu tabata para hopi cerca di e parke, caminda tabatin yen di muchanan.

E homber a ripara cu el a wordo descubri y a huy den e auto. E persona a alerta mas hende den vecindario y a yama autoridad y notifica nan e detayenan necesario.

Gomes a splica cu e caso actualmente ta bao investigacion di autoridad. Ta buscando pa wak si tin camaranan rond cu por a graba algo y pa nan wak kico nan por haci. El a sa di notifica tur e mayornan pa medio di Facebook pa alerta esnan cu ta frecuenta Neptaly Park, pa tira mas bista riba e muchanan y notifica autoridad di cualkier actividad sospechoso.

Gomes ta sugeri pa mayornan papia cu nan yiunan, riba tur locual cu por ta malo cu por presenta algun momento manera den un parke y grita pa ayudo si ta necesario y notifica adultonan.

Fundacion Lisette Gomes tin mas di ocho aña ta lucha pa trece informacion y atende cu casonan asina.  Gomes ta splica cu no tin informacion tocante e identidad di e homber di e parke y mester warda wak kico ta pasa di parti di investigacion cu ta andando, pero ta pidi pa henter pueblo ta alerta riba actividadnan sospechoso regardando e proteccion di e muchanan.

- Advertisement -

DUNA COMENTARIO

Please enter your comment!
Please enter your name here