Home Comercio Hopi comerciante na Aruba ta interesa pa cuminsa bende online

Hopi comerciante na Aruba ta interesa pa cuminsa bende online

60
0
SHARE
- Advertisement -

ORANJESTAD(AAN): Pa hopi tempo caba, diferente experto local a mustra con Aruba ta hopi atraza den e proceso di eCommerce.  Bendemento di producto online ta hopi dificil, principalmente debi cu ainda na Aruba, Banco Central ni e demas banconan no ta permiti pa haci uso di PayPal riba e isla.  Na numeroso ocasion, hasta profesornan di Universidad di Aruba a mustra nan lamento riba e asunto aki.  Siendo cu Hulanda, y tambe varios isla den Caribe si ta permiti transaccionnan online.

Recientemente Exprodesk tabatin un tayer enfocando riba negoshinan chikito y mediano. Bionda Fonseca-Hoeve ta for di Corsou y ta vicepresidente di ADEM. Tambe e ta empresario y hunto den e programa di Cosme, e ta miembro di focal point y ta parti di e stakeholder comite di Cosme. Tambe e tabata facilitador durante e tayer aki y a splica tambe cu e tayer tabata un exito rotundo. Un publico hopi entusiasta y comerciantenan hopi interesa a presenta y cu kier cuminsa bende caba online.

Aruba ta laat:

En realidad, nos ta laat, si no actua awor aki. Tin sistemanan bancario tambe cu ta in place. Hendenan ta preocupa cu nan ta miss out the boat. Tin industrianan caba manera e Airbnb, Uber, etc. y e hendenan ta bisa cu ta den ki forma por conecta riba e sistemanan. No como un consumidor, pero tambe como un empresario cu kier cuminsa haya nan fondonan online tambe.

Bionda Fonseca-Hoeve a splica cu a toca e tema cu sigur ta hopi importante pa bo tin un infrastructura hopi up to date. A haci un analisis, a compara e infrastructuranan tambe.

Por ehemplo, na Curacao tin mas competidor. Aki na Aruba tin competidornan menos competitivo den telecomunicacion, pero si bo ta ricibi un fluho di turismo hopi grandi y bo kier mustra nan e ultimate experience, na modo di bisa, cu bo tin un edificio historico, bo kier conta algo, hendenan kier subi’e online. Bo kier stream riba e calidad di mas halto di servicio y e bandwidth mas halto pa por duna e experiencia. E infrastructura ta hopi importante.

Bendemento di paña:

Pa esnan cu ta bende paña, ta for di un punto local, por ehempel. A compara local cu internacional, e gruponan cu kier cuminsa bende nan productonan online, e ta hopi importante pa nan por haci un analisis, un strategia di mercadeo pa nan por target mercadonan den exterior, por ehempel Europa.

Via Cosme ta netamente purba di focus riba e area pa nan por cuminsa bende e productonan na Hulanda, Belgica, Francia, pero tambe Inglatera y Irlanda.

Negoshi Online:

Na Aruba, tin espacio pa haci negoshi online, pero e por bira un combinacion. Esey ta nifica cu dimes nos ta den un area riba nos islanan cu kier sinti e producto, kier hole e producto, kier tin conexion cu e producto, pero si bo kier compara, na modo di bisa cumpra un paña, pero kier otro color, bo mester tin e sistemanan pa bo por ricibi e producto dentro di 24 of 48 ora.

Esey ta locual cu ta sea online of tradicional no. Bo mester tey na cuminsamento sigur di ambos banda.

Pesey bo ta crea awor aki tambe, manera por mira na Hulanda y Europa, hopi pop up stores, cu ta tiendanan cu tey pa tres luna, y e ora nan ta showcase tur e productonan y e ora ey e compania cu ta online ta haya un espacio pa e por cuminsa introduci su productonan.

Aruba ta laat:

Por mira cu negoshinan local, den e caso aki, ta kehando cu e-commerce ta cabando cu nan.

Pa combati esey, tin cu actua hopi lihe. Segun Fonseca-Hoeve, nos mester tabata tey cinco aña pasa, compara cu awor aki. Tin espacio ainda, pero esey no ta nifica cu nos mester warda un cinco of diez aña mas. Nos mester actua awor aki y esey ta e motibo pa nos por conecta tur e islanan hunto cu un E-commerce base business model.

Esey no ta djis esnan cu tin negoshi. E mester ta un grupo di negociante y rond Caribe mester uni forsa pa por haya e best dealnan di logistica, e best dealnan di infrastructura y esey por haci unicamente si ta traha hunto.

Ta traha conhuntamente cu e partner local, cual ta via e ministerio di Economia, Exprodesk ta e punto di referencia local.

- Advertisement -

DUNA COMENTARIO

Please enter your comment!
Please enter your name here