Home Gobierno Hopi di e tips cu Minister di Husticia ta haya ta tocante...

Hopi di e tips cu Minister di Husticia ta haya ta tocante prostitucion ilegal

103
0
SHARE
- Advertisement -

ORANJESTAD (AAN) – Minister di Husticia, a reitera den conferencia di prensa di gobierno, Dialuna, cu diferente tips ta drenta cerca dje, tocante ilegalidad, y cu hopi di nan tin di haber cu hopi prostitucion ilegal cu ta tumando lugar na Aruba. Esaki, e mandatario a subraya tin su consecuencianan pa loke ta trata salud publico.

“Los di esey, mi kier recorda comunidad, cu siman pasa Aruba a haya reconocimento cu nos a bay di status 2 na status 1 cu nos tin aworaki, pa loke ta trata combatimento y prevencion di traficacion di persona y respet pa derechonan humano. Den e dimension aki proteccion di personanan cu ta traha den prostitucion cu tambe ta cay den Derechonan Humano”, e mandatario a relata.

Esaki ta pone cu tin biaha tin accionnan mester tuma lugar pa:

  1. Controla salubridad publico na interes cu entre otro, e persona no bay over na prostitucion ilegal.
  2. Pa e personanan cu ta den e ambito aki, nan derechonan wordo respeta, cu nan vergunning ta na ordo.

Den esaki tambe ta pidi esnan responsable pa e personanan aki cu ora ta pidi cooperacion di nan pa mustra cu nan status ta na ordo, duna esaki y no bay over na insulto, etc., cu ta falta di respet pa e personanan mes cu ta eherce e trabao aki cu no ta facil, pero e balansa mester tin.

- Advertisement -

DUNA COMENTARIO

Please enter your comment!
Please enter your name here