Home Gobierno Hopi stranhero ilegal cambiando di adres pa evita deportacion

Hopi stranhero ilegal cambiando di adres pa evita deportacion

297
0
SHARE
- Advertisement -

ORANJESTAD   (AAN): A haci un peticion pa Asilo pero Gobierno a nenga, pero Bo a duna e adres unda Bo ta hospedando ilegalmente riba nos isla. A manda Bo un carta pa indica Bo cu no a aproba Bo peticion y cu Bo tin algun dia pa bandona nos isla boluntariamente, sino lo pasa busca Bo.

Awor DIMAS y Warda nos Costa tin Bo adres y di tur otro cu kisas tambe ta permaneciendo ilegal na e mesun cas of apartamento. E solucion? Hopi stranhero e ultimo siman aki ta mudando, bou temor cu e siguiente bishita lo no ta di Postkantoor cu un carta, sino di Warda nos Costa pa un control y cu ordo di deportacion.     Tabata diaranson 16 di mei ultimo cu a core un rumor via rednan social cu pa su mañan diahuebs 17 di mei lo otorga “Asilo Politico” na DIMAS. Consecuentemente desde diahuebs marduga tabatin fila largo di stranheronan cu un status di ilegal, cu a tuma un curashi pa bay aplica pa e areglo di dispensacion aki. Na tur ta imagina cu e cantidad di peticionario ta core entre 400 pa 500 aplicante pa un permiso di estadia y/of di trabou riba nos isla. Mayoria tabata procedente di nos pais bisiña, Venezuela.

E dia ey, DIMAS a menciona cu , Gobierno (anterior y esun actual) no a otorga ni un (1) permiso bou di Asilo Politico. Den pasado de bez en cuando tabata drenta un peticion. Ultimo lunanan e cantidad di aplicacionnan a crece for di proporcion. Suficiente cu ta evaluando un ahustacion den e forma di procesa y acepta aplicacion. Peticion pa Asilo ta mara na tratadonan internacional cu Aruba mester atene na dje. Pero den e tratado ta stipula claramente e condicionnan y rekisito cu e aplicante mester cumpli cune pa por bin na remarke pa un “status” asina.

Na momento cu haci e aplicacion, e aplicante por permanece aki y por traha trankilamente, te ora tuma un decision riba e aplicacion. Despues cu nan nenga Bo, ainda e aplicante por pidi pa un reevaluacion. Ta mustra cu mas y mas stranhero, mayoria procedente di Venezuela a uza e procedura aki pa purba legalisa nan mes.

Mester menciona cu dor di DIMAS ainda no a duna un indicacion si e Gobierno aki si a duna Asilo Politico y tampoco cuanto a duna y na ken. Te dia di e aglomeracion di hende dilanti DIMAS pa pidi pa e status aki, no a duna ningun ainda.

Maneho di stranheria ta keda un topico sensitivo den comunidad pasobra e mesun cantidad di hende cu hopi bes ta contra, un otro cantidad tambe ta na fabor di un maneho menos stringente, debi cu den hopi famia tin stranhero meti, sea ta casa, amigo, conoci of empleado.

Tambe tin un grupo di hende ta opina cu tur tempo cu Venezuela tabata economicamente fuerte para, Aruba a gosa di e abundancia ey, nos mesun hendenan tabata bula bay pa loco pa vakantie, pa dokter, pa haci compras y algun hasta pa “namora”. Awor cu nan tin problema politico/social, kier cera porta pa nan y trata nan diferente. Te cu recien, Venezuela tabata ainda e di dos mercado turistico mas importante di nos isla, despues di Merca.

- Advertisement -

DUNA COMENTARIO

Please enter your comment!
Please enter your name here