Home Actividad Especial Hospice Atardi cu sosten di Cruz Cora Aruba birando un realidad

Hospice Atardi cu sosten di Cruz Cora Aruba birando un realidad

123
0
SHARE
- Advertisement -

ORANJESTAD (AAN) — Diaranzon, Presidente di Cruz Cora Aruba, Sr. Stephen Daal a firma acuerdo di colaboracion hunto cu Presidente di Fundacion Hospice Atardi, Dr. Peter Paul Hermans, acompaña pa un grupo di voluntario di Cruz Cora Aruba.

Na Aruba ta biba, for di cifranan demografico di CBS na 2016, un total di 110.665 persona di cual 20.861 ta di edad riba 60 aña. For di 2013, e cantidad di hende grandi riba 60 aña a aumenta na Aruba cu 2289 persona. “Vergrijzing” y enfermedadnan cronico ta aumenta rapidamente na Aruba mescos cu na Hulanda y e otro islanan. Na Aruba no tin cas di cuido paliativo disponibel. Personanan cu enfermedad cronico den ultimo fase di nan enfermedad te cu awor solamente por a pasa nan ultimo dianan den hospital of na cas. Den tur dos caso esaki no ta ideal pa e persona. Na cas no tin e guia y cuido adecua profesional pa e pashent y menos pa e famia y na hospital e cuido ta concentra riba recuperacion.

Pa e motivo aki, Cruz Cora Aruba ta sumamente contento di forma parti di un proyecto asina special hunto cu Stichting Hospice Atardi. Den e ultimo lunanan, Cruz Cora a percura pa trece tur e stakeholders hunto pa poco poco yega na acuerdonan y awe por ta satisfecho cu e logro grandi aki, Hospice Atardi ta hayando forma. Den e ultimo 3 siman, a firma cu AZV ,FCCA y otronan y ya hopi trabou ta wordo haci na e cas unda e Hospice lo ofrece sosten, guia spiritual y medico na patient y famia den e momentonan mas dificil.

Kiko ta cuido paliativo?

Bou di cuido paliativo ta cay tur cuido cu ta enfoca riba e pashent cu e enfermedad terminal (y tambe su famia mas cerca) y dune e cuido di calidad mas halto posibel. No tin solamente atención pa atende cu e kehonan fisico di e pashent, pero tambe  riba e parti psicologico, spiritual y social. Y esaki den un ambiente mas caluroso di cas , cu famia por rondona e pashent cu su cosnan personal mas preferi di cas.

Un final digno y humanitario cu tur persona merece y pa e motibo aki Cruz Cora Aruba a ofrece sosten financiero y “mankracht” pa asina haci e Hospice aki realidad.

Cruz Cora Aruba ta pidi persona interesa pa bira voluntario y yuda cu e Hospice pa tuma contacto via info@redcrossaruba.com pa un afspraak y despues training.

- Advertisement -

DUNA COMENTARIO

Please enter your comment!
Please enter your name here