Home Salud Hospital buscando forma pa haya mas specialista

Hospital buscando forma pa haya mas specialista

232
0
SHARE
- Advertisement -

ORANJESTAD (AAN): Dr. Horacio E. Oduber Hospital ta den proceso pa recluta mas specialista medico y kier duna prioridad na esunnan local studiando den exterior e oportunidad pa yena e parti aki.

E capacidad di enfermeria tambe mester traha riba dj’e pa e por ta riba nivel di locual hospital mester.

Director di Hospital, Dr. Ezzard Cilie, ta elabora rib’e hecho cu hospital ta birando mas grandi y cu esaki ta exigi mas specialisacion. Hospital ta den proceso pa specializa e enfermeronan cu mester tin mas capacidad pa brinda e servicio necesario.

Actualmente tin alrededor di 20 enfermeronan Filipino di un compania exterior den un preparacion di cinco luna pa siña e idioma y tur e protocolnan medico cu hospital ta usando. Hospital ta calcula cu nan lo ta cla pa cuminsa traha entrante 1 di December.

Mester sigui entrena hunto cu EPI pa haya mas Verpleegkundige cu tin e base pa traha den hospital. Adicionalmente, mester wak kico mas mester pa por garantisa y brinda e servicio di specialisacion. Mester pone hopi atencion na e scarcedad di personal medico, cual hospital lo por sinti den e proximo cinco aña si no atende e problema aki.

Ademas, Dr. Cilie ta splica cu en cuanto e scarcedad den e parti di Verpleegkundige ta algo cu hospital ta trahando riba dj’e p’asina esnan studiando den e ramo medico por hay’e mucho mas atractivo pa scoge e estudio aki.

- Advertisement -

DUNA COMENTARIO

Please enter your comment!
Please enter your name here