Home General Hospital na Aruba ta traha independiente pero awor lo traha den cooperacion...

Hospital na Aruba ta traha independiente pero awor lo traha den cooperacion cu e otro islanan

37
0
SHARE
- Advertisement -

HOH lo probecha di e specialismo cu e otro islanan ta ofrece

ORANJESTAD   (AAN):  Dr. Ezzard Cilie, director medico di Hospital Horacio Oduber, ta elabora tocante e palabracionnan cu ta purbando di haci riba nivel di dirigentenan di Hospital. Esaki ta trata pa tur seis isla.

E problema di Hospital na Aruba ta cu nan ta traha di forma independiente y esey ta crea un desventaha. Otro hospitalnan manera na Hulanda ta traha cu otro hospitalnan. A yega asina leu awor cu e seis islanan lo bay coopera y cera un acuerdo pa traha hunto.

Tin varios ventaha cu por saca di e cooperacion aki manera por ehempel cierto opleiding cu tin solamente na Aruba y e otro islanan lo kier probecha di e oportunidad ey. Un otro ta cu e otro islanan tin interes di manda pashentnan na Aruba.

For di Corsou tin peticion pa yuda cu pashentnan di sobrepeso cu ta rekeri di operacion special, caminda na Aruba so tin dos ciruhano cu ta haci e tipo di operacion aki.

E ventaha na final ta pa Hospital di Aruba probecha di e specialismo cu e otro islanan ta brinda, mientras nan tambe por probecha di locual e Hospital di Aruba tin di ofrece.

Ademas, riba tereno politico entre e seis islanan hunto cu Hulanda ta promoviendo pa e hospitalnan traha mucho cu otro.

- Advertisement -

DUNA COMENTARIO

Please enter your comment!
Please enter your name here